Azərbaycan, Bakı, 4 aprel /Trend/
Amerikalı qadın uşağını tıxacda dünyaya gətirmək məcburiyyətində qalıb.
Trend-in RİA Novosti-yə istinadən verdiyi məlumata əsasən, buna səbəb Kentukki ştatına səfər edən ABŞ Prezidenti Barak Obamanın kortejinin tıxac yaratması olub.
Həkimlər küçələr bağlandığından qadına kömək edə bilməyiblər. Buna görə də doğuşu həmin tıxacda qalan tibb bacısı qəbul edib.
Uğurla keçən doğuşdan sonra ana və körpəsi xəstəxanaya yerləşdirilib.