Bakı. Trend:
Bornmut və Banqor Universitetlərinin alimləri Böyük Britaniya ərazisinə Eskulap ilanlarının (Zamenis longissimus) qayıdığını aşkar ediblər. Bu növ, Britaniya adalarında təxminən 300 min il əvvəl buzlaşma dövründə yox olmuşdu.
Trend xəbər verir ki, bu kəşf barədə "The Conversation" nəşri məlumat yayıb.
Eskulap ilanı, su ilanları ailəsinə aid, zəhərsiz bir sürünəndir. Adını qədim Roma müalicə tanrısı Eskulapdan alıb və Cənubi, Mərkəzi və Şərqi Avropa, Kiçik Asiya və Qafqazda yayılıb.
Tədqiqatçılar bildiriblər ki, Eskulap əvvəllər daha isti bölgələrdə yaşayırdı, lakin son iqlim dəyişiklikləri səbəbindən yerli ilan populyasiyaları azalmağa başlayıb. Lakin Böyük Britaniyaya gətirilən nümunələr ətraf mühitə uyğunlaşaraq təbiətdə müvəffəqiyyətlə məskunlaşıb.
Alimlər qeyd ediblər ki, ilanlar şimali Uelsdə yerli fauna ilə qarşıdurmaya girmədən, əksər insanlar tərəfindən görünmədən uğurla yaşamağa davam edirlər.
Tədqiqatçılar, növlərin yeni şəraitə uyğunlaşmasının biomüxtəlifliyin qorunması strategiyalarına yenidən baxmağı təklif edirlər. Onlar bildirirlər ki, introduksiya edilən növləri təhlükə olaraq deyil, qlobal istiləşmə şəraitində ekosistemlərin qorunmasında rol oynayan bir faktor kimi qəbul etmək lazımdır.
Lakin mütəxəssislər ehtiyatla qeyd edirlər ki, belə qərarlar, xəstəliklərin yayılması və ya yerli ekosistemlərin balansının pozulması kimi gözlənilməz nəticələrə səbəb olmamalıdır.