Bakı. Trend:
Bu ilin yanvar-fevral ayları ərzində Kliniki Tibbi Mərkəzin Toksikologiya şöbəsinə 19 nəfər qəbul edilib.
Bu barədə Trend-in sorğusuna cavab olaraq Kliniki Tibbi Mərkəzin mətbuat katibi Ruzbeh Məmməd məlumat verib.
O bildirib ki, zəhərlənən şəxslərin hər birinə zəruri tibbi yardım göstərilib.
"Həkimlərin səylərinə baxmayaraq onlardan 2 nəfərin həyatını xilas etmək mümkün olmayıb",- deyə o əlavə edib.
Ruzbeh Məmməd qeyd edib ki, 2024-cü il ərzində isə dəm qazından zəhərlənmə səbəbi ilə Kliniki Tibbi Mərkəzin Toksikologiya şöbəsinə 83 nəfər qəbul edilib.