|
Avstriya, Vyana, 06 noyabr/ Trend , müxbir A.Ələsgərov/ ATƏT-in Minsk Qrupunun amerikalı həmsədri, ABŞ Dövlət Katibi müavininin köməkçisi Metyu Brayza noyabrın 13 -14 - də Azərbaycana səfər edəcək. Brayza cümə axşamı Trend -a bildirib ki, onun səfərinin məqsədi Bakıda keçiriləcək IV Enerji Sammitində iştirak etməkdir. Bakı sammitində əsas müzakirə məsələlərindən biri Xəzər neftini Mərkəzi Avropa ölkələrinə nəql etməli olan "Odessa-Brodı" neft kəməri ilə bağlı olacaq. |
Bəzi dövlət başçıları Bakı Enerji Sammitinin işində iştiraka öz razılıqlarını veriblər. Onların arasında Gürcüstan prezidenti Mixail Saakaşvili, Polşa prezidenti Lex Kaçinski, Litva prezidenti Valdas Adamkus, Estoniya prezidenti Toomas-Hendrik İlves, Latviya prezidenti Valdas Zatlers, Rumıniya prezidenti Troyan Besesku və digərləri var.
|
Birinci enerji sammiti 2006-cı ilin mayında Polşanın Krakov şəhərində, ikincisi ötən ilin noyabrında Litvanın paytaxtında, üçüncü sammitsə, cari ilin mayında Kiyevdə keçirilib. |
Müəlliflə əlaqə saxlamaq üçün elektron ünvan: [email protected]