Azərbaycan, Bakı, 1 may /Trend, müxbir R.Hafizoğlu/
Azərbaycanın xarici işlər nazirinin müavini Araz Əzimov Türkiyədə bu ölkənin XİN rəhbərinin köməkçisi Fatih Ceylanla Dağlıq Qarabağ münaqişəsinin həlli məsələsini müzakirə ediblər. Bu barədə Trend Türkiyə XİN-nin rəsmi saytına istinadən məlumat verir.
Məlumatda qeyd olunur ki, görüşdə ikitərəfli münasibətlərlə yanaşı regional məsələlər də müzakirə olunub. Məlumata əsasən, Əzimov Türkiyə XİN rəhbərinin müavini Firudin Sinirlioğlu ilə də görüşüb.