...

ANAMA: 8 partlayış yerinə baxış keçirilib (FOTO)

Ermənistan-Azərbaycan münaqişəsi Materials 2 Avqust 2016 00:47 (UTC +04:00)
İyulun 31-də Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) Ağdam və Tərtər rayonlarında bir neçə partlayış yerinə baxış keçirib
ANAMA: 8 partlayış yerinə baxış keçirilib (FOTO)

Trend-i buradan izləyin

Bakı. Trend:

İyulun 31-də Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) Ağdam və Tərtər rayonlarında və Şirvan şəhərində bir neçə partlayış yerinə baxış keçirib.

ANAMA-dan Trend-ə verilən məlumata görə, Ağdam rayonu Əfətli kəndində 1 əkin sahəsində 4 partlayış yerinə baxış keçirilmiş, partlamış hərbi sursatların qalıqları aşkar edilərək götürülmüş, nəticə etibarilə 7 000 kv.m ərazi yoxlanılıb.

Tərtər rayonu Həsənqaya kəndində 4 partlayış yerinə baxış keçirilmiş, partlamış hərbi sursatların qalıqları aşkar edilərək götürülmüş, nəticə etibarilə 5 000 kv.m ərazi yoxlanılıb.

01 avqust tarixində 1 əkin sahəsi, kənd yolu, 8 partlayış yerinə baxış keçirilmiş, partlamış hərbi sursatların qalıqları aşkar edilərək götürülmüş, nəticə etibarilə 12 000 kv.m ərazi yoxlanılıb.

Ümumilikdə Agentlik tərəfindən 7 Aprel – 01 avqust 2016-cı il tarixlərində Zərdab, Tərtər, Ağcabədi, Ağdam, Bərdə, Füzuli, Goranboy, Tovuz, Qazax, Ağstafa, Samux, Göygöl, Şəmkir, Cəlilabad, Ucar, Astara rayonlarında, Mingəçevir, Sumqayıt, Gəncə, Şirvan və Bakı şəhərlərində 641 ev və həyətyanı sahə, 2 hərbi hissə, 2 kənd qəbiristanlığı, 5 kənd orta məktəbi, 1 tibb məntəqəsi, 1 metal anbarı, 30 ferma, əkin sahələri, 1 çaxır zavodu və 1 çınqıl karxanası ərazisinə baxış keçirilmiş, 3 468 ədəd partlamamış hərbi sursat, 15 ədəd piyada əleyhinə mina (PMN), 3 ədəd piyada əleyhinə mina (POMZ-2), 1 ədəd piyada əleyhinə mina (OZM-72) və 24 ədəd tank əleyhinə mina aşkar olunaraq zərərsizləşdirilib.

Hal-hazırda Agentlik tərəfindən yaradılmış xüsusi təyinatlı mobil çevik qrupları minaaxtaran itlərin dəstəyi ilə təmas xəttində yerləşən kəndlərdəki evlərlə yanaşı məktəblər və digər obyektlərin yerləşdiyi ərazilərdə əməliyyatları davam etdirir.

Xəbər lenti

Xəbər lenti