Azərbaycan, Şəki / Trend müxbir E.Quliyev/ Yol polisinin Azərbaycanın şimal-qərb bölgəsində keçirdiyi reydlər nəticəsində 153 avtomobilin sürücüsü saxlanılıb. Trend in bölgə müxbirinin məlumatına görə, bölgədə yerləşən 5 rayonda 151 avtomobil görməni məhdudlaşdıran plyonka və pərdədən istifadə etdiyinə görə cərimələnib, 2 sürücü isə avtoxuliqanlığa görə həbs edilib.
Paytaxt Bakıdan 352 kilometr şimal-qərbdə yerləşən Şəki rayonunda 36 avtomobilə inzibati protokol tərtib edilib. Şəki Dövlət Yol Polisinin rəisi Məmməd Məmmədov Trend ə bildirib ki, reydlər zamanı bir nəfər sürücü, Nizami Yusifov avtoxuliqanlığa görə həbs edilib.
Paytaxt Bakıdan 441 kilometr şimal-qərbdə yerləşən Balakən rayonunda isə 29 sürücü eyni xarakterli ənələ görə cərimələnib, bir nəfər isə polisə müqavimət göstərdiyinə görə həbs edilib.
Paytaxt Bakıdan 418 kilometr şimal-qərbdə yerləşən Zaqatala rayonunda isə 32 sürücü, Qax rayonunda 45, Oğuz rayonunda isə 10 sürücü cərimələnib.
Reydlər davam etdirilir.