Azərbaycan, Bakı, 21 fevral/ Trend ,müxbir C.Babayeva/ "İrəli" ümumrespublika gənclər hərəkatı tərəfindən keçirilən monitorinqin gedişində, Bakıdakı bir çox beynəlxalq təşkilatların qarşısında Azərbaycanın dövlət bayrağı yoxdur. Bu barədə Trend -a cümə axşamı "İrəli" gənclər hərəkatının həmtəsisçilərindən biri Ceyhun Osmanlı məlumat verib.
Onun sözlərinə görə, Azərbaycanın üzvlük haqqı verdiyi Avropa İttifaqı, ATƏT-in Bakıdakı nümayəndəliklərinin qarşısında dövlət bayrağının olmaması məntiqsizdir.
""İrəli" öz etiraz aksiyaları ilə beynəxalq təşkilatların nümayəndələrindən Azərbaycanın dövlət atributlarına hörmət tələb edir", - Osmanlı bildirib.
"İrəli" artıq Birləşmiş Millətlər Təşkilatının Bakı nümayəndəliyinə etirazını bildirib. "İrəli"-nin fəalları nümayəndəliyə etiraz notası və Azərbaycanın bayrağını veriblər.
Həmtəsisçinin sözlərinə görə, bu günlərdə "İrəli" yeni etiraz aksiyaları keçirəcək.
"Növbəti aksiyalarla "İrəli" Bakıdakı dövlət strukturları qarşısında dövlət bayrağının ucaldılmasına çalışacaq", - Osmanlı qeyd edib.
İki ildən artıqdır ki, fəaliyyət göstərən "İrəli" Ümumrespublika gənclər hərəkatının sıralarında 5 mindən çox insan var.