Azərbaycan, Bakı,07 mart / Trend , müxbir R.Hafizoğlu / Türkiyədə bəzi universitet rəsmiləri
dövlət səviyyəsində baş örtüyünə olan qadağanın ləğv edilməsindən sonra dindar qadınların təhsil ocaqlarına buraxılmamasını qanun pozuntusu hesab etmirlər.
Dindar qadınların geyim tərzi olan baş örtüyünə qadağanın parlament tərəfindən ləğvinə baxmayaraq, ölkədəki bir çox universitetlər hələ də baş örtüyünə qadağaları davam etdirir. Universitet rəhbərləri müxalifət partiyalarının baş örtüyü qadağasının ləğvinə dair şikayətinə Konstitusiya Məhkəməsinin müsbət cavabını qözləyirlər.
Türkiyəli araşdırmaçı Məhəmməd Fatih hesab edir ki, baş örtüyünə qadağanın davam etdirildiyi universitet rektorları mason və sionist qüvvələrin sifarişi ilə ölkədə siyasi gərginlik yaratmaq istəyirlər. "Baş örtüyü probleminə islam və hüquqi tərəfdən yanaşsaq, qadağanın davam etdirirlməsinin ən azından insan haqlarının pozulması kimi dəyərləndirmək olar"-deyə, "VAKİTHABER" Aqentliyinin direktoru Fatih İstanbuldan cümə günü Trend a elektron poçt vasitəsilə bildirib.
O hesab edir ki, baş örtüyü əleyhdarlarının Türkiyə Respublikasının banisi olan Mustafa Kamal Atatürkün prinsiplərini öz maraqlarına alət etmələri əsassızdır. "Baş örtüyünə olan qadağanın qeyri- qanuni davam etdirilməsi Türk cəmiyyətində qütbləşməyə səbəb olacaq"- deyə,o qeyd edib. Fatihin fikrincə, baş örtüyü problemi qanuni yolla həll edilməlidir.
Vaşinqton Universitetinin eksperti Mərvə Kavakçı hesab edir ki, baş örtüyü ilə universitələrə girişə qadağanın qanunsuz davam etdirilməsi Türkiyənin tam hüquqi dövlət olmamasından irəli gəlir. "Türkiyə demokratik dövlət kimi görünsə də, son hadisələr bu dövlətin demokratikliyini şübhə altına alır"-deyə, Kavakçı cümə günü ABŞ-dan elektron poçt vasitəsilə bildirirb.
O hesab edir ki, Atatürkün "hakimiyyət qeyri-şərtsiz millətindir" kəlamına əməl olunmayanadək Türkiyədə baş örtüyü məsələsi həll olunmayacaq.
Tükriyəli hüqüq müdafiəçisi Fatma Benli də hesab edir ki,baş örtüyənə qadağanın davam etdirilməsi Türkiyə cəmiyyətində qütbləşmə ilə nəticələnə bilər. "On ildən çox davam edən qadağanın heç bir hüquqi əsası yoxdur"-deyə, Benli cümə günü İstanbuldan elekton poçt vasitəsilə Trend a bildirib.
Onun fikrincə, müxtəlif düşüncələrdə olsalar da, qızların təhsil almasını qadağan edən "Taliban" rejimi ilə Türkiyədə dindar xanımların təhsil almasını əngəlləyən universitet rektorları arasında oxşarlıq var. "Mən əminəm ki, bu problem gec-tez öz hüquqi həllini tapacaq" - deyə, Benli qeyd edib.
"Baş örtüyü problemi din və vicdan azadlığı məsələlərnə aid olsa da, universitet rektorları sonradan bunun siyasiləşəcəyindən ehtiyat edirlər"-deyə, türkiyəli politoloq Arif Kəskin Trend a bildirirb. Politoloqun fikrincə,universitet rəhbərləri baş örtüyünün ləğvilə bağlı Konstitusiya Məhkəməsinin son qərarını gözləyirlər.
"Universtitetlərdə baş örtüyünə qadağanın hələ də davam etdirilməsi rektorların Türkiyənin demokratik gələcəyini qorumaq istəyindən irəli gəlir"-deyə, Avrasiya Araşdırmalar Mərkəzinin politoloqu Kəskin cümə günü İstanbuldan telefonla bildirirb.
"Hicablı qadınların təhsil müəssisələrinə buraxılmaması qanun pozuntusu deyil" - deyə, Türkiyənin "Boğaziçi" uiverstitetinin adını açıqlamaq istəməyən professoru bu gün Trend a bildirirb.
Professorun fikrincə, baş örtüyü problemini süni şəkildə qabartmaqla, bəzi qüvvələr ölkədə stabilliyin pozulmasına çalışırlar."Universitetlər dini simvolikanın təbliği üçün deyil, təhsil almaq üçündür"-deyə, professor İstanbuldan telefonla bildirirb. Onun fikrincə, təhsil ocaqlarına baş örtüyü ilə girmək tələbələr arasında ayrı-seçkilikdən başqa bir şey deyil.
"Biz Konstitusiya Məhkəməsinin son qərarını gözləyirik və ümid edirik ki, Məhkəmə tələbələr arasında ayrı -seçkiliyə səbəb olan qanunu ləğv edəcək "-deyə o qeyd edib.
Türkiyədə qadınların baş örtüyü ilə ali məktəblərə və rəsmi dövlət müəssisələrinə daxil olması 2008 ilə kimi qadağan idi. Təhsil almaq istəyən dindar qadınlar baş örtüyünü açmaq məcburiyyətində idilər. Fevralın 9-da Türkiyə parlamentində baş örtüyünə qadağanın ləğvinin ikinci oxunuşda ləğvinə baxmayaraq, Türkiyədə bəzi universitetlər hələ də baş örtüklü qadınları təhsil ocaqlarına buraxmırlar.
