Azərbaycan, Bakı, 07 may/ Trend , müxbir İ.Əlizadə/ Azərbaycan Parlamentinin Regional məsələlər daimi komissiyasının sədri hesab edir ki, ölkənin kiçik bələdiyyələri birləşməlidir. "Azərbaycanda elə bələdiyyələr var ki, seçicilərinin ümumi sayı 50 nəfərdir. Belə bələdiyyələr heç bir iqtisadi, maliyyə imkanlarına malik deyillər və hər hansı iş görə bilmirlər", -deyə çərşənbə günü Trend -a açıqlamasında Azərbaycan Parlamentinin Regional məsələlər daimi komissiyasının sədri Arif Rəhimzadə bildirib.
Azərbaycanda bələdiyyə institutu 1999-cü ildə yaranıb. Azərbaycanda 2765 bələdiyyə var.
Komissiya sədri qeyd edib ki, maliyyə və kadr çatışmazlığı problemlərini həll etmək üçün bələdiyyələr birlişməlidir: "Bələdiyyə sədrlərinin əksəriyyətinin ali təhsili yoxdur".
Rəhimzadənin fikrincə, bələdiyyələrin birşəlməsi iqtisadi imkanları artıracaq. Bu isə bələdiyyələrin öz üzərlərinə düşən vəzifələri yerinə yetirməsinə imkan verəcək.
Məqalə müəllifi ilə əlaqə ünvanı: [email protected]
