Azərbaycan, Bakı, 19 sentyabr / Trend , müxbir S.Kazımlı / Azərbaycan Cinayət Məcəlləsinin adam oğurluğu (144-cü) maddəsi ilə barəsində axtarış elan olunan, 33 yaşlı Lənkəran sakini Rusiya Federasiyasında yenidən cinayət törətməkdə təqsirləndirilərək tutulub.
Suraxanı rayon Polis İdarəsindən (RPİ) çümə günü Trend -a verilən məlumat görə, sentyabrın 18 -də Azərbacanın Lənkəran rayonundan olan Asif Dilavər oğlu Şirinxur qanunsuz silah gəzdirdiyi üçün, Moskva şəhərində yerli milislər tərəfindən tutulub.
Onun barəsində Rusiya Federasiyasının Cinayət Məcəlləsinin qanunsuz silah gəzdirmə (222-ci) maddəsi ilə cinayət işi başlanılıb.
Rayon Polis İdarəsindən bildiriblər ki, Şirinxur 2001 - ci ildə Suraxanı rayonunun Hövsan qəsəbəsində bir həkimi girov götürərək, onun yaxınlarından külli miqdarda pul tələb edib.
Rayon Polis İdarəsindən onu da əlavə ediblər ki, Şirinxur orada cəzasını cəkib qurtardıqdan sonra Azərbaycanın hüquq-mühafizə orqanlarına təhvil veriləcək.
Məqalə müəllifi ilə əlaqə ünvanı: [email protected]
