...

Türkiyədə hicab problemi hakim partiyaya təzyiq kimi istifadə olunur

Siyasət Materials 25 Sentyabr 2008 15:52 (UTC +04:00)

Trend-i buradan izləyin

Azərbaycan, Bakı, 25 sentyabr/ Trend , müxbirlər B.Həsənov, Ü.Sadıxova/ Türkiyə universitetlərində dindar xanımların geyim tərzi olan hicabla dərslərə buraxılmaması hüquqi cəhətdən əsaslandırılsa da , bu qadağanın hakim Ədadəl və İnkifaf Partiyasına təzyiq kimi gündəmə gətirilməsi istisna edilmir.

"Türkiyədə hicaba qadağanın hələ də davam etdirilməsi ilə hakim partiyaya siyasi təzyiq etmək istəyən siyasi qüvvələr mövcüddur" - deyə, Türkiyənin tanınmış ilahiyyatçısı, sosioloq Əli Bulaç Trend - a bildirib.

Türkiyənin Boğaziçi Universiteti rektorunun təlimatı ilə, hicablı tələbələr universitetin həyətinə buraxılmayıblar. Tələbələrlə təhlükəsizlik xidməti arasında baş verən kiçik qarşıdurmadan sonra tələbələr universitetə daxil olub və qadağaya qarşı etirazlarını nümayiş etdirirblər. Bu haqda Cihan agentliyi sentyabrın 24 -də məlumat verib.

Türkiyədə 80 - ci illərin əvvəlindən etibarən, ölkədə islamçı qüvvələrin güclənərək hakimiyyətə təsir edə biləcəyindən ehtiyat edən dövlət bü qüvvələrə müxtəlif şəkildə təzyiqlərə başladı. Bu təzyiq vasitəsi kimi, dindar xanımların geyim tərzinin dünyəvilik prinsipinə zidd olmasını əsas gətirərək, hicablı qadınların təhsil müəssisələrinə və dövlət idarələrinə buraxılmaması gündəmə gətirildi.

Türkiyənin hakim Ədələt və İnkişaf Partiyası 20 ildən çox sürən qadağanın ortadan qaldılırması üçün 2008 - ci ilin fevral aynda qanun ləyihəsi qəbul etsə də, ölkədəki müxalifət partiyasının Konstitusiya Məhkəməsinə şikayəti əsasında bu qərar ləğv olundu. Cari ilin mart ayında hakim partiyanın fəaliyyətində dünyəvilik prinsiplərinə zidd islami fəaliyyətin olması iddiası üzrə partiyanın bağlanılması ilə Konstitusiya Məhkəməsinə müraciət olunsa da, iyul ayında məhkəmə partiyanın lehinə qərar qəbul etdi.

Türkiyəli ekspert Bulaçın fikrincə, ölkədə bəzi siyasi müxalif qüvvələr hicab məsələsini gündəmə gətirməklə , hakim partiya əleyhinə siyasi üstünlük əldə etmək istəyirlər. O hesab edir ki, universitetlərdə hicaba qadağanın davam etdirilməsi kütləvi etiraz aksiyaların keçirilməsi ilə nəticələnə bilər.

Bulaç hesab edir ki, qadağa vətəndaş hüquqlarının pozulmasıdır və bu problemi tezliklə həll etmək mümkün olmayacaq.

Türkiyədəki hicablı qadınların hüqülarının müdafiəsi komitəsi " MƏZLUMDER" - in İstanbul şöbəsinin direktoru , hüquqşünas Əlif Koşaroğlu isə hesab edir ki , hicaba görə təhsil hüququndan məhrum olan tələbələr hamılıqla etiraz aksiyalarına qoşulsalar, bu problem qismən həll oluna bilər. Koşaroğlu hesab edir ki, hicaba görə təhsil məüəssisələinə buraxılmamaq ayrı - seçkilikdən başqa bir şey deyil.

"Türkiyənin Cinayət Məcəlləsində ayrı - seçkiliyə görə maddə var və hicaba qadağa qoyanlar bu maddəyə əsasən məsuliyyət daşıyırlar" - deyə, Koşaroğlu cümə axşamı İstanbuldan Trend - a telefonla bildirib.

İngiltərənin Durham (The University of Durham) universitetinin professoru, Yaxın Şərq və Türkiyə üzrə araşdırmaçı eksperti Kristofer Devidsonun fikrincə, universitetlər dini atributların nümayiş yeri yox, təhsil müəssisələridir. Dini atributlarla təhsil müəssisələrinə gəlmək tələbələr arasında ünsiyyət probleminin ortaya çıxmasına gətirə bilər.

"Türkiyə, bir çox qərb dövlətləri kimi, dünyəvi dövlətdir və din hər kəsin öz şəxsi işidir. Dünyəviliklə dinin və adət - ənənələrin bir yerdə olması cəmiyyətdə müxtəlif probemlərin olmasına yol aça bilər" - deyə, Devidson cümə axşamı Londondan Trend - a telefonla bildirib. O, hesab edir ki, Türkiyənin dini prinsiplərdən uzaqlaşması ölkənin Avropa İttifaqına inteqrasiyasını daha da tezləşdirə bilər.

Hicabla təhsil müəssisələri və dövlət idarələrinə daxil olmağı qadağan edən Qanun təkcə Türkiyədə deyil, Tunisdə də mövcuddur.

"Türkiyədə hicaba qadağanın nə ilə nəticələnəcəyini indidən söyləmək çətin olsa da, hökumətin bu addımı Avropaya inteqrasiya kimi dəyərləndirilməlidir", - deyə Devidson bildirirb.

Xəbər lenti

Xəbər lenti