Azərbaycan, Bakı, 13 oktyabr/ Trend , müxbir C.Babayeva/ Oktyabrın 15-də keçiriləcək prezident seçkilərini müşahidə etmək üçün 30 beynəlxalq KİV-in 92 nümayəndəsi Azərbaycanın Mərkəzi Seçki Komissiyasına (MSK) müraciət edib. Bu barədə Mərkəzi Seçki Komissiyasının Müstəqil Mətbuat Mərkəzindən Trend -a bildiriblər.
Onların hər biri MSK tərəfindən qeydiyyat vəsiqələri ilə təmin olunub. Bu, KİV arasında FRE/RL ("Azadlıq" radiosu), Teleimedi teleşirkəti, "Aljazeera", TRT, Rumıniyanın Milli Televiziyası, Rustavi - 2, "STB", NTV (Rusiya), "MİR" teleradioşirkəti, "Vesti", İRNA, İhlas Haber Ajansı, Anadolu, EPA, "Frans-Press", Bloomberg News, İTAR-TASS, "Asociated Press" informasiya şirkətləri, "Profil", "Vestnik XXI", "Rossiyskaya qazeta" kimi nüfuzlu mətbu orqanların jurnalistləri, "El Pais" qəzeti və başqaları var.
Azərbaycanda prezident seçkiləri oktyabrın 15-də keçiriləcək. Prezident seçkilərində yeddi namizəd - Yeni Azərbaycan Partiyasının (YAP) sədri, hazırkı dövlət başчısı İlham Əliyev, müxalif Ümid Pariyasının sədri İqbal Ağazadə, Böyük Quruluş Partiyasının sədri Fazil Qəzənfəroğlu , Bütöv Azərbaycan Xalq Cəbhəsi Partiyasının sədri Qüdrət Həsənquliyev, Müasir Müsavat Partiyasının sədri Hafiz Hacıyev, Azərbaycan Liberal Demokrat Partiyasının sədri Fuad Əliyev və müstəqil namizəd Qulamhüseyn Əlibəyli iştirak edəcək.
Müəlliflə əlaqə saxlamaq üçün elektron ünvan: [email protected]