Azərbaycan, Bakı, 16 oktyabr/ Trend , müxbir C.Babayeva/ Azərbaycan prezidenti seçkisində iştirak edən GUAM-ın Müşahidəçi Missiyası səsvermə prosesinin demokratik keçdiyini qeyd edir.
"Prezident seçkisi sakit, layiqli və beynəlxalq standartlara müvafiq keçib və ciddi qanun pozuntusu olmayıb", - deyə cümə axşamı Bakıda GUAM missiyasının rəhbəri, təşkilatın katibi Valeri Çeçelaşvili bildirib.
Oktyabrın 15-də Azərbaycanda prezident seçkisi keçirilib. Azərbaycanın hakim partiyasından olan namizəd, hazırkı prezident İlham Əliyev ilkin nəticələrə görə, seçici səslərinin böyük miqdarını - 89,04 faizini toplayıb.
Dövlət başçısı postuna yeddi namizəd iddia edib. MSK-nın ilkin məlumatlarına görə, İqbal Ağazadə 2,78 faiz, Fazil Qəzənfəroğlu 2,40 %, Qüdrət Həsənquliyev 2,22 faiz, Qulamhüseyn Əlibəyli 2,18 faiz, Fuad Əliyev 0,75 faiz, Hafiz Hacıyev 0,62 faiz səs toplayıb.
Məqalə müəllifi ilə əldaqə ünvanı: trend