Azərbaycan, Bakı, 14 noyabr/ Trend , müxbir A.Hüseynbala/ Azərbaycanın keçmiş prezidenti Əbülfəz Elçibəyin vəfatından sonra Bütöv Azərbaycan Birliyinə (BAB) sədr seçilməyib.
"Birliyə sədr seçilməsi üçün qurultay keçirilməlidir. Bunun üçün isə maliyyə vəsaitimiz yoxdur", - cümə günü Trend -a Bütöv Azərbaycan Birliyi (BAB) Mərkəzi Şurasının sədri Aqil Səmədbəyli bildirib.
Trend -ın arayışı: Bütöv Azərbaycan Birliyini 1998-ci ildə mərhum prezident Elçibəy yaradıb. Təşkilat Güney Azərbaycanla Azərbaycan Respublikasının birləşməsi istiqamətində çıxışları ilə tanınıb.
Elçibəy 1992-1993-cü illərdə Azərbaycanın prezidenti olub.
Qeyri-rəsmi məlumata görə, Güney Azərbaycanda 35 milyona yaxın soydaşımız yaşayır.
Onun sözlərinə görə, BAB-ın 2006-cı ildən qərargahı da yoxdur.
"2006-cı ildə Güney Azərbaycanda soydaşlarımızın keçirdikləri etiraz aksiyaları zamanı fəallıq etdiyimizə görə qərargahımız əlimizdən alındı", - Səmədbəyli deyib.
BAB Mərkəzi Şurasının sədri qərargah olmadığı üçün birliyin iclaslarının keçirilməsinin də mümkün olmadığını deyib.
Məqalə müəllifi ilə əlaqə ünvanı: [email protected]
