Azərbaycan, Bakı, 26 noyabr/ Trend , müxbir A.Hüseynbala/ Azərbaycanın müxalif Xalq Partiyasının sədri Pənah Hüseyn Müsavat deputat qrupundan uzaqlaşdırılmayacaq.
"Deputat qrupu müstəqli fəaliyyət göstərir və heç bir partiya ilə bağlılığı yoxdur", - çərşənbə günü Trend -a Müsavat deputat qrupunun üzvü Nəsib Nəsibli bildirib.
Trend -ın arayışı: Müsavat deputat qrupu 2005-ci ildə keçirilən parlament seçkisindən sonra yaradılıb. Qrupda Müsavat Partiyasının dörd üzvü - Nəsib Nəsibli, İkram İsrafil, Arzu Səmədbəyli, İltizam Əkbərli və Xalq Partiyasının sədri Pənah Hüseyn təmsil olunur.
Xalq Partiyası noyabrın 24-də müxalif partiyaların birləşdiyi Demokratiya Uğrunda İttifaqa (DUİ) üzv qəbul olunub. Bundan sonra Müsavat DUİ-də təmsil olunmadığı üçün Hüseynin deputat qrupundan uzaqlaşdırılması gündəmə gəlib.
Nəsiblinin sözlərinə görə, deputat qrupunun noyabrın 25-də keçirilən iclasında da bu məsələ müzakirə olunub: "Biz belə qərara gəldik ki, Hüseynin sədri olduğu partiyanın hansısa birlikdə təmsil olunması onun deputat qrupunda fəaliyyəti ilə heç bir ziddiyyət təşkil etmir", - Müsavatın üzvü vurğulayıb.
Məqalə müəllifi ilə əlaqə ünvanı: [email protected]
