Azərbaycan, Bakı, 02 fevral/ Trend , müxbir A.Hüseynbala/
Azərbaycanın müxalif partiyasının Gənclər Komitəsi Gənclər Günu ilə əlaqədar talassemiyalı gənclərə dəstək məqsədi ilə qanvermə kampaniyası keçirilib.
"Kampaniyada partiya sədrinin birinci müavini Qorxmaz İbrahimli, sədr müavinləri Xanoğlan Əhmədov, Qadir İbrahimli, təşkilat şöbəsinin müdiri Azər Kazımov gənclərin təşəbbüsünə dəstək olaraq kampaniyada iştirak ediblər", - bazar ertəsi Trend -a yeni yaranan Aydınlar Partiyasının mətbuat xidmətindən bildirilib.
Azərbaycanda Gənclər Günü hər il fevralın 2-də qeyd edilir.
14 -29 yaşlı gənclər Azərbaycan əhalisinin 60 faizini təşkil edirlər.
Məlumatda qeyd edilir ki, partiyanın gənc üzvləri belə tədbirlərin davamlı olacağını bildiriblər. Kampaniya Mərkəzi Qan Bankında keçirilib.
Aydınlar Partiyasının təsis qurultayı 2008-ci il dekabrın 14-də keçirilib. Qulamhüseyn Əlibəyli partiyanın sədri seçilib.
Qulamhüseyn Əlibəyli 1992-1993-cü ildə prezident Elçibəyin müşaviri və parlamentdə rəsmi nümayəndəsi olub. 1995-ci ildən 2005-ci ilədək iki dəfə Milli Məclisin deputatı olub. Avropa Şurası Parlament Assambleyasında Azərbaycan nümayəndə heyətinin üzvü olub. O, 1989-cu ildən AXC-nin üzvü, 1993-cü ildən isə АХCP-nin Ali Məclisinin sədri idi. Ötən il avqustun əvvəllərində АХCP Аli Məclisinin sədri vəzifəsindən istеfа vеrib, sеntyаbrın ахırındа yеni Аydınlаr Pаrtiyаsı yаrаdаcаğı məlum оlub. АХCP üzvü Nizаmi Quliyеv pаrtiyаdаn istеfа vеrərəк Аydınlаr Pаrtiyаsının sırаlаrınа qоşulаcаğını bildirib.
Məqalə müəllifi ilə əlaqə ünvanı: [email protected]
