"İranın Əfqanıstan və Pakistanın iştirakı ilə təşkil etdiyi sammit təxirə salınıb", - İran XİN-in mətbuat katibi Həsən Qaşqavi bazar ertəsi Tehrandakı mətbuat konfransında bildirib, İran dövlət televiziyasının rəsmi saytı (IRIBNEWS) xəbər verir.
Qaşqavinin sözlərinə görə, sammit Pakistan Prezidentinin məşğul olması ilə əlaqədar olaraq təxirə salınıb. Ancaq o, bu sammitin yaxın gələcəkdə keçirilə biləcəyini istisna etməyib.
Bir müddət əvvəl xəbər verilirdi ki, mayın 19-da Tehranda Əfqanıstan və Pakistanın iştirakı ilə sammit keçiriləcək. İran rəhbərliyi Prezident Mahmud Əhmədinejadın əfqan və pakistanlı həmkarları Həmid Kərzayi və Asif Əli Zərdari ilə danışıqlarının gündəliyi haqqında məlumat vermirdi.
...