Azərbaycan, Bakı, 28 dekabr / Trend , müxbir K.Zərbalıyeva/
Azərbaycan və Gürcüstanın daxili işlər nazirləri mütəşəkkil cinayətkarlıqla mübarizə sahəsində qarşılıqlı əlaqələri müzakirə ediblər.
DİN-in mətbuat xidmətində deyildiyi kimi, Azərbaycanın daxili işlər naziri, general-polkovnik Ramil Usubov bu gün Gürcüstandan olan həmkarı Vano Merabişvilini qəbul edib.
Görüş zamanı Usubov iki ölkənin hüquq-mühafizə orqanları arasındakı, xüsusən də mütəşəkkil cinayətkarlıqla mübarizə sahəsində əməkdaşlığın inkişafını qeyd edib.
Merabişvili də öz növbəsində iki ölkə orqanları arasındakı əməkdaşlığın möhkəmlənməsinə əminliyini ifadə edib.
2002-ci ildə Azərbaycan, Gürcüstan və Türkiyə arasında terrorçuluq və mütəşəkkil cinayətkarlığa qarşı mübarizə sahəsində əməkdaşlığa dair müqavilə imzalanmışdı.