...

Qazaxıstan xarici işlər nazirinin müavini Bakıya gəlir

Siyasət Materials 9 Mart 2010 16:14 (UTC +04:00)
Martın 12-də Bakıda Qazaxıstan xarici işlər nazirinin birinci müavini Nurlan Yermekbayevin sədrliyi ilə Asiyada Qarşılıqlı Fəaliyyət və İnam Tədbirləri Müşavirəsi Yüksək Vəzifəli Şəxslər Komitəsinin növbəti iclası keçiriləcək.
Qazaxıstan xarici işlər nazirinin müavini Bakıya gəlir

Azərbaycan, Bakı, 9 mart / Trend , müxbir S.Süleymanov/

Martın 12-də Bakıda Qazaxıstan xarici işlər nazirinin birinci müavini Nurlan Yermekbayevin sədrliyi ilə Asiyada Qarşılıqlı Fəaliyyət və İnam Tədbirləri Müşavirəsi (AQFİTM) Yüksək Vəzifəli Şəxslər Komitəsinin (BVŞK) növbəti iclası keçiriləcək. Bu barədə bu gün Astanada keçirilən brifinqdə Qazaxıstan XİN-in rəsmi nümayəndəsi Əsgər Əbdrəhmanov məlumat verib.

"İclasda əsas məqsəd bu il iyunun 7-9-da İstanbulda keçirilməsi planlaşdırılan AQFİTM ölkələri dövlət və hökumət başçılarının üçüncü sammitinə hazırlıq məsələlərinin həllidir", - Əbdrəhmanov deyib.

Onun məlumatına görə, görüş zamanı AQFİTM-in imtiyazlar və immunitetlər üzrə Konvensiya layihəsinin müzakirəsi, AQFİTM-in 3-cü sammitinin siyasi bəyannamə layihəsinin və 2010-2012-ci illərdə Türkiyənin AQFİTM-də sədrlik konsepsiyasının layihəsinin təqdimatı planlaşdırılır. "Gündəliyə həmçinin, Asiya qitəsində təhlükəsizliyin və inamın möhkəmləndirilməsinə yönələn hərbi-siyasi, iqtisadi və ekoloji ölçülərdə kompleks tədbirlər üzrə çoxtərəfli diskussiyalar daxildir", - Qazaxıstan XİN-in rəsmi nümayəndəsi bildirib.

Xəbər lenti

Xəbər lenti