Gürcüstan, Tbilisi, 15 mart / Trend , N.Kirsxaliya/
Gürcüstanın xarici işlər naziri Qriqol Vaşadze Yaponiyaya üçgünlük qeyri-rəsmi səfər edib. XİN-dən bildirildiyi kimi, nazir bir neçə vacib görüş keçirib.
Vaşadze Yaponiya Parlamentinin üzvləri ilə görüşüb. Əsas görüş Yaponiyanın xarici işlər naziri Kasuya Okada ilə baş tutub.
Gürcüstanın işğal olunmuş ərazilərində vəziyyət, gürcü-rus münasibətləri və Gürcüstanla Yaponiya arasında iqtisadi əməkdaşlığın perspektivləri müzakirələrin əsas mövzusu olub.
Vaşadze Yaponiya tərəfinin əsasən iqtisadə sahəyə maraq göstərdiyini bildirib.