Azərbaycan, Bakı, 22 iyun /Trend, müxbir M.Əliyev/
Çərşənbə axşamı Azərbaycan Parlamentinin növbədənkənar iclasında Azərbaycan Respublikasının "Reklam haqqında", "Teleyayım haqqında" və "Dərman preparatları haqqında" qanunlarına əlavə və dəyişikliklər edilməsi barədə qanun qəbul olunub.
Qanun layihələri haqqında ətraflı məlumatı parlamentin Sosial siyasət komitəsinin sədri Hadı Rəcəbli təqdim edib.
"Qanunda dəyişikliklər reseptlə buraxılan dərman vasitələrinin reklamını nəzərdə tutur. Bundan əvvəl belə dərmanlar televiziya və radioda reklam oluna bilməzdilər", - Rəcəbli deyib.
Müzakirələr zamanı deputat Azay Quliyev gələcəkdə sosial reklamların yayımı qaydalarını müəyyən edən reklam haqqında qanuna dəyişikliklər edilməsini təklif edib.