Azərbaycan, Bakı, 7 sentyabr /Trend, müxbir M. Əliyev/
TÜRKPA Baş katibi Ramil Həsənov Türkiyənin İstanbul şəhərində 15-16 sentyabrda keçiriləcək Türkdilli Ölkələrin Dövlət Başçılarının Zirvə toplantısında iştirak edəcək. Trend-in məlumatına görə, bu barədə TÜRKPA mətbuat xidmətinin məlumatında deyilir.
Zirvə toplantısı çərçivəsində TÜRKPA Baş katibinin Qırğızıstan və Türkiyə xarici işlər nazirləri ilə ikitərəfli görüşləri nəzərdə tutulub.
Həmçinin, Türkdilli Ölkələrin Xarici İşlər Nazirlərinin Toplantısında TÜRKPA-nın son dövrdəki fəaliyyəti ilə bağlı çıxışı planlaşdırılır.