Azərbaycan, Bakı, 13 iyun /Trend, müxbir K.Zərbalıyeva/
Bakıda keçiriləcək hərbi parada hazırlıq məqsədilə bu gün döyüş qırıcı təyyarələri planlaşdırılmış təlim məşqləri keçirib.
Trend-in məlumatına görə, Azərbaycan Hərbi Hava Qüvvələrinin (HHQ) qırıcı təyyarələri Bakı səmasında hazırlıq uçuşları həyata keçiriblər.
Müdafiə Nazirliyinin mətbuat xidmətinin rəis müavini Teymur Abdullayev Trend-ə bildirib ki, Hərbi Hava qüvvələrinə məxsus döyüş təyyarələri planlaşdırılmış təlim uçuşları keçirir.
Bir neçə gün öncə Azərbaycan Hərbi Hava Qüvvələrinin (HHQ) Mi-8 tipli 20-yə yaxın helikopteri Azadlıq meydanı üzərindən keçməklə bir neçə dəfə dövrə vurub.
Qırıcı təyyarələr də manevrlər ediblər.
Azərbaycanda 26 iyun - Silahlı Qüvvələr Günü və müstəqilliyin bərpasının 20 illiyi münasibətilə hərbi parad keçiriləcəyi gözlənilir.
Bakıda keçiriləcək hərbi parada hazırlıq məqsədilə döyüş qırıcı təyyarələri təlim məşqləri keçirib
Bakıda keçiriləcək hərbi parada hazırlıq məqsədilə bu gün döyüş qırıcı təyyarələri planlaşdırılmış təlim məşqləri keçirib
