Azərbaycan, Bakı, 2 iyul /Trend/
Azərbaycan Prezidenti İlham Əliyev Aleksandra Moreno Piraquivenin "Azərbaycan Respublikası Prezidentinin fəxri diplomu" ilə təltif edilməsi haqqında sərəncam imzalayıb.
Sərəncamda qeyd olunur ki, Azərbaycan Respublikası ilə Kolumbiya Respublikası arasında dostluq əlaqələrinin inkişafına verdiyi töhfəyə görə xanım Aleksandra Moreno Piraquive "Azərbaycan Respublikası Prezidentinin fəxri diplomu" ilə təltif edilsin.
Qeyd edək ki, Aleksandra Moreno Piraquive Kolumbiya Senatının İkinci konstitusional komitəsinin sədridir.