Azərbaycan, Bakı, 27 sentyabr /Trend, müxbir T.Cəfərov/
Xəzəryanı ölkələrin heç biri ilə münaqişəmiz yoxdur, məqsədimiz yalnız xarici müdaxilə olmadan Xəzərin müdafiəsi və təhlükəsizliyinin təminidir. Bu sözləri İranın Şimal Donanmasının komandanı admiral Xordad Həkimi deyib. Trend-in məlumatına görə, bu barədə İRNA agentliyi xəbər verir.
Həkimi deyib ki, Şimal Donanması Xəzərdə İranın iddia etdiyi 20 faiz ərazini əhatə edir və ölkənin neft şirkətinin Xəzərdə neft və qaz yataqlarında hasilat aparması üçün təhlükəsizliyi təmin edir.
O, yaxın gələcəkdə Xəzər dənizində raketlə təchiz olunmuş gəmi və katerlərin istifadəyə veriləcəyini bildirib.
İran Xəzəryanı ölkələrin heç biri ilə münaqişəsi olmadığını bəyan edib
Xəzəryanı ölkələrin heç biri ilə münaqişəmiz yoxdur, məqsədimiz yalnız xarici müdaxilə olmadan Xəzərin müdafiəsi və təhlükəsizliyinin təminidir.