Prezident İlham Əliyev: Dövlət siyasətinin nəticəsidir ki, bu gün Azərbaycanı dünya birliyinə idman dövləti kimi təqdim edə bilirik (FOTO)

Prezident İlham Əliyev: Dövlət siyasətinin nəticəsidir ki, bu gün Azərbaycanı dünya birliyinə idman dövləti kimi təqdim edə bilirik  (FOTO)

Azərbaycan, Bakı, 8 noyabr /Trend/

Bu gün ölkəmizin tarixində çox gözəl, əlamətdar bir gündür. Biz bu gün Milli Olimpiya Komitəsinin 20 illik yubileyini qeyd edirik. Bizimlə bərabər bu bayramı qeyd etmək üçün gəlmiş bütün qonaqları səmimiyyətlə salamlayıram. Bunu noyabrın 7-də Buta sarayında Azərbaycan Milli Olimpiya Komitəsinin (MOK) 20 illik yubileyi münasibətilə keçirilən təntənəli mərasimdə çıxışı zamanı Prezident İlham Əliyev deyib.

" İyirmi il əvvəl Azərbaycan Milli Olimpiya Komitəsi yaradıldı. Hamımız yaxşı bilirik ki, müstəqilliyimizin ilk illəri nə qədər ağır keçmişdir. Müstəqilliyimizin ilk illərində ölkədə gedən xoşagəlməz proseslər, xaos, böhran, anarxiya, iqtisadi tənəzzül istər-istəməz idman sahəsinə də öz mənfi təsirini göstərmişdir. 1993-cü ildə ulu öndər Heydər Əliyevin hakimiyyətə gəlişindən sonra bütün sahələrdə olduğu kimi, idman sahəsində də uğurlar başlamışdır. Dövlət siyasəti ortaya qoyulmuşdur və bütün sahələrdə olduğu kimi, idman sahəsində də biz uğurlara nail ola bilmişik" İlham Əliyev deyib.

Prezident bildirib ki, Milli Olimpiya Komitəsinin tarixi müstəqilliyimizin tarixi ilə üst-üstə düşür.

"Müstəqilliyin bərpasından bir il sonra Milli Olimpiya Komitəsi yaradıldı. Demək olar ki, 1990-cı illərin ortalarından başlayaraq bu günə qədər Azərbaycanda idman sahəsində, Olimpiya hərəkatı sahəsində çox böyük işlər görülmüşdür. Müstəqilliyimizin ilk illərində ölkəmizi tərk etmiş tanınmış idmançılar, məşqçilər, idman mütəxəssisləri Vətənə qayıtdılar. Təlim-məşq prosesi üçün çox gözəl şərait yaradılmışdır. İdmanın müxtəlif növlərinin inkişafı üçün konkret addımlar atılmışdır, federasiyaların rəhbərliyi gücləndirilmişdir. Nazirlik, Milli Olimpiya Komitəsi, federasiyalar, idman cəmiyyətləri, klublar bir ailə kimi fəaliyyətə başlamış və beləliklə, idman uğurlarımızı şərtləndirmişdir.

Doğrudan da, əgər biz idmanın iyirmi il ərzində inkişaf tarixinə nəzər salsaq görərik ki, idman uğurlarımızı ardıcıllıqla artırmışıq. Eyni zamanda, beynəlxalq əlaqələrimiz də genişlənir, möhkəmlənir. Bu gün bu bayramda iştirak etmək üçün Azərbaycana gəlmiş müxtəlif ölkələrin nümayəndələri bizim əziz qonaqlarımızdır. Onların Azərbaycana gəlişi, eyni zamanda, beynəlxalq əlaqələrimizin nə qədər geniş və zəngin olduğunu göstərir" dövlət başçısı qeyd edib.

İlkham Əliyev bildirib ki, Azərbaycan Beynəlxalq və Avropa Olimpiya komitələrinin fəal üzvüdür.

"Azərbaycan artıq idman dövlətidir. Bizim uğurlarımız beynəlxalq idman qurumları tərəfindən qiymətləndirilir. İdmanın, Olimpiya hərəkatının inkişafına verilən beynəlxalq dəstək və qiymət çox yüksək səviyyədədir. Beynəlxalq Olimpiya federasiyalarının dəstəyi ilə ölkəmizdə çoxsaylı idman yarışları, o cümlədən Avropa və dünya çempionatları, həm Olimpiya, eyni zamanda, qeyri-Olimpiya idman növləri üzrə çempionatlar keçirilmişdir. Sentyabr-oktyabr aylarında ilk dəfə olaraq 17 yaşadək qadınlar arasında futbol üzrə dünya birinciliyi Bakıda, Azərbaycanda çox yüksək səviyyədə keçirilmişdir. Deyə bilərəm ki, bu təcrübə bizə imkan verəcəkdir ki, gələcəkdə bundan da böyük beynəlxalq yarışlara ev sahibliyi edək.

Azərbaycanda bütün beynəlxalq idman yarışları yüksək səviyyədə keçirilir. Bizim qonaqpərvərliyimiz, eyni zamanda, təşkilatçılıq imkanlarımız, təşkilatçılıq qabiliyyətimiz çox nadir bir mühit yaradır. Ən önəmlisi ondan ibarətdir ki, bütün yarışlarda iştirak edən idmançılar üçün çox gözəl şərait yaradılır. Həm gözəl idman infrastrukturumuz, Olimpiya kompleksləri vardır, eyni zamanda, Bakı şəhəri gözəlləşir, abadlaşır və Bakıya gələn qonaqların sayı artır. Çox şadam ki, onların arasında idmançıların sayı ildən-ilə artır.

Biz idmanın inkişafına geniş prizmadan yanaşırıq və kompleks tədbirlər görülür. Əlbəttə, ilk növbədə, dövlət siyasəti bu istiqamətdə çox uğurla aparılır. Dövlət siyasətinin nəticəsidir ki, bu gün biz Azərbaycanı dünya birliyinə idman dövləti kimi təqdim edə bilirik. Təsadüfi deyildir ki, 2012-ci il Azərbaycanda "İdman ili" elan edilmişdir. Bu, özlüyündə bir göstəricidir" Prezident çıxışında deyib.

Dövlət başçısının sözlərinə görə, idmanla məşğul olan, idmanın inkişafına cavabdehlik daşıyan bütün qurumlar vahid siyasət çərçivəsində fəaliyyət göstərirlər.

" Deyə bilərəm ki, Azərbaycan o nadir ölkələrdəndir ki, burada idman nazirliyi, Olimpiya Komitəsi, federasiyalar, idman cəmiyyətləri arasında heç bir anlaşılmazlıq yoxdur. Əksinə, maksimum dərəcədə qarşılıqlı anlaşma və qarşılıqlı dəstək vardır. Çünki bu, bizim ümumi işimizdir.

İdman, demək olar ki, əksər ölkələrin ictimai həyatında önəmli bir amilə çevrilibdir. İdman yarışlarında, xüsusilə Olimpiya oyunlarında ölkələr bir-biri ilə yarışırlar. Təsadüfi deyildir ki, idman sahəsində əldə edilən uğurlar bilavasitə ölkələrin inkişaf göstəricilərinə də uyğundur. İnkişaf etmiş ölkələrdə, adətən idman da inkişaf edir. Azərbaycan inkişafda olan bir dövlət kimi idman sahəsində də böyük nailiyyətlərə çata bilibdir.

Dövlət siyasəti idmanın təbliği, idmanla məşğul olmaq üçün şəraitin yaradılması, maarifləndirmə, gənc nəslin yetişdirilməsi kimi mühüm sahələri əhatə edir. Onların arasında yeni idman infrastrukturunun yaradılması xüsusi yer tutur. Mən çox şadam ki, vaxtilə Milli Olimpiya Komitəsinin təşəbbüsü kimi yaranmış bu proqram artıq ölkə üzrə geniş vüsət almışdır. Birinci olimpiya idman kompleksi Milli Olimpiya Komitəsi tərəfindən 2000-ci ildə Bakıda ucaldılmışdır. Ondan sonra Azərbaycanda 35 regional olimpiya kompleksi tikilib istifadəyə verilib, 8 kompleksin tikintisi davam edir. Beləliklə, yaxın gələcəkdə elə bir şəhər qalmayacaqdır ki, orada müasir, ən yüksək standartlara cavab verən Olimpiya İdman Mərkəzi olmasın. Bu mərkəzlərdə həm peşəkar idmançılar məşq edirlər, eyni zamanda, bölgə gəncləri, uşaqlar, yeniyetmələr idman bölmələrinə gələrək öz peşəkarlığını artırırlar. Mən çox şadam ki, gözəl gənc nəsil yetişir. Gənclərimiz bizi sevindirir. arasında birinci Ümumdünya Olimpiya Oyunlarında Azərbaycan gəncləri çox yüksək nəticə göstərmişlər və dünya miqyasında 11-ci yerə layiq olmuşlar. Bu, doğrudan da böyük və tarixi nailiyyətdir. Çünki bu, onu göstərir ki, idman sahəsində ardıcıllıq vardır. Gənc nəsil yetişir, tanınmış idmançıların uğurlu çıxışları, onların nümunələri gənclər üçün, uşaqlar üçün bir örnəkdir və onlar da çempionlara oxşamaq istəyirlər. Bu da çox önəmli amildir" Prezident qeyd edib.

İlham Əliyevin sözlərinə görə, Azərbaycanda elə bir mühit yaradılıb ki, idmançı olmaq hazırda çox şərəfli bir peşə və şərəfli bir işdir.

"Olimpiya, dünya, Avropa çempionlarımız, sözün əsl mənasında, bizim qəhrəmanlarımızdır və cəmiyyətdə onlara olan sevgi, məhəbbət və hörmət çox yüksək səviyyədədir. Bu, dövlət siyasəti olaraq, eyni zamanda, cəmiyyətdə idmana, idmançılara olan müsbət münasibətin təzahürüdür. Bu gün idmançılarımız cəmiyyətimizin çox dəyərli üzvləridir. Mən çox şadam ki, bizim görkəmli idmançılarımız - Olimpiya, dünya, Avropa çempionlarımız həyatda nümunədirlər. Bu, belə də olmalıdır. Çünki onların hərəkətləri, fəaliyyəti, Vətənə olan bağlılığı, eyni zamanda, gənc nəslin vətənpərvərlik ruhunda yetişdirilməsinə xidmət göstərir.

Regional Olimpiya komplekslərinin fəaliyyəti çox uğurludur, genişdir və bu, kadr potensialının əsas mənbəyidir. Bölgələrimizdə çox istedadlı gənclər, uşaqlar vardır. İndi onlara idmanla məşğul olmaq üçün şərait yaradılıbdır. Onlar bu şəraitdən səmərəli şəkildə istifadə edirlər və etməlidirlər. Bizim idmanla, Olimpiya hərəkatı ilə bağlı siyasətimiz çox məqsədyönlüdür. Azərbaycan Olimpiya hərəkatının fəal üzvüdür, Olimpiya hərəkatının ideallarını bölüşür. Olimpiya Oyunları dünyanın ən böyük beynəlxalq tədbiridir. Ölkələrin orada iştirakının sayına görə, eyni zamanda, Olimpiya Oyunları zamanı hökm sürən dostluq, qardaşlıq, qarşılıqlı anlaşma mühiti nadir xarakter daşıyır. Dünyada ikinci belə beynəlxalq tədbir, beynəlxalq yığıncaq yoxdur ki, bu dərəcədə xeyirxahlıq, mərhəmət, sülh, dostluq ideyalarını özündə ehtiva etsin. Olimpiya Oyunları dünya miqyasında nadir və təkrarolunmaz bir formatdır. Mən çox şadam ki, Azərbaycan Olimpiya Oyunlarında uğurla iştirak edir və idman şöhrətini daim yüksəklərdə saxlayır.

Bizim müstəqil dövlət kimi Yay Olimpiya Oyunlarında iştirakımız 1996-cı ildən başlanmışdır və əgər dinamikaya nəzər salsaq görərik ki, hər dəfə uğurlarımızı artırmışıq. Bizim komandamız 1996-cı ildə bir, 2000-ci ildə üç, 2004-cü ildə beş, 2008-ci ildə yeddi, 2012-ci ildə isə, 10 medal - onlardan 2-si qızıl, 2-si gümüş və 6-sı bürüncdür,- qazanmışdır. Ölkələrin cədvəlində Azərbaycan London Yay Olimpiya Oyunlarında 30-cu yerə layiq görülmüşdür, medalların sayına görə 24-cü, Avropa ölkələri arasında 15-ci, müsəlman ölkələri arasında isə 3-cü yeri tutmuşdur. Bu, doğrudan da böyük və tarixi nailiyyətdir. Bu, Azərbaycanda idman və Olimpiya hərəkatı sahəsində görülmüş işlərin bariz nümunəsi, ölkəmizin uğurlu inkişafının göstəricisidir" dövlət başçısı bildirib.

Prezident qeyd edib ki, Azərbaycan dünyada dinamik inkişaf edən, müasir, gənc ölkə kimi tanınır.

"Bizim iqtisadi uğurlarımız artıq bütün beynəlxalq iqtisadi aləmə tanışdır. Azərbaycanda iqtisadi sahədə müşahidə olunan bu inkişafın dünyada analoqu yoxdur. Çünki 8-9 il ərzində iqtisadi sahədə 3 dəfə - 300 faizlik artım, doğrudan da, dünya miqyasında nadir bir göstəricidir. Bütün başqa sahələrdə, - siyasi islahatlar, sosial müdafiə, müasir informasiya-kommunikasiya texnologiyalarının Azərbaycanda tətbiqi, - bütün bu sahələrdə biz qabaqcıl yerlərdəyik. Bu günlərdə Bakıda Beynəlxalq İnternet İdarəçilik Forumu keçirilir və müxtəlif qitələrdən, ölkələrdən 1000-dən artıq qonaq vardır. Mənim beynəlxalq telekommunikasiya qurumlarının rəhbərləri ilə keçirdiyim görüşlər bir daha onu göstərir ki, Azərbaycanda bu sahədə əldə edilən uğurlar bölgə üçün nümunədir. Azərbaycan bu sahədə regional liderdir. Azərbaycanda olan internet azadlığı bir çox ölkələrdə yoxdur. Bizim təcrübəmiz bölgədə artıq öyrənilir. İnternet və informasiya-kommunikasiya texnologiyaları sahəsində əldə edilən uğurlar, qoyulan investisiyalar və gələcək planlarımız beynəlxalq təşkilatlar tərəfindən yüksək qiymətləndirilir.

Yəni, istənilən sahəyə baxsaq görərik ki, hər bir sahə üzrə konkret proqramlar, konkret icra müddəti və eyni zamanda, bütün istiqamətlər üzrə gələcəyə, müasirliyə, inkişafa doğru konkret konseptual yanaşmalar vardır. O cümlədən idman sahəsində. Çünki bir daha demək istəyirəm ki, idman cəmiyyətimizin ayrılmaz hissəsidir. Mən Milli Olimpiya Komitəsinin prezidenti və ölkə Prezidenti kimi çox istəyirəm ki, Azərbaycanda idmanla məşğulolma prosesi kütləvi xarakter alsın. Artıq kütləvilik artır, ancaq istənilən səviyyədə deyildir. Hər bir vətəndaş, hər bir gənc mütləq idmanla məşğul olmalıdır. Çünki ilk növbədə, idman sağlamlıq, sağlam həyat tərzi deməkdir. İdmançıların mütləq əksəriyyəti yüksək insani keyfiyyətlərə malikdir. Eyni zamanda, idman mədəniyyətdir və idmanla məşğul olan insan özünü rahat, çox əmin hiss edir. Biz çalışmalıyıq ki, sağlam gənclər yetişsin. Sağlamlıq məsələlərinin həllində idmanın çox böyük rolu vardır" Prezident nitqində söyləyib.

Dövlət başçısının sözlərinə görə, əlbəttə, bütün başqa sahələrdə olduğu kimi, ekoloji vəziyyət, təmiz hava, keyfiyyətli qida, təmiz içməli su - bütün bu məsələlər Azərbaycanda öz həllini tapır, o cümlədən idman sahəsində. Bütün bu amillər bir məqsədə xidmət edir ki, Azərbaycan vətəndaşı yaxşı yaşasın, rifah içində yaşasın, sağlam olsun və öz xalqına, öz Vətəninə sədaqətlə xidmət etsin.

"Bir sözlə, idman, yenə də deyirəm, sadəcə olaraq yarış, sadəcə olaraq hansısa bir qələbə deyildir. Hər dəfə milli bayrağımız qaldırılanda, dövlət himnimiz səslənəndə hər bir vətənpərvər Azərbaycan vətəndaşı qürur hissi ilə bu gözəl anları yaşayır. Çünki ölkənin qələbəsi, idmançıların qələbəsi, bizim uğurlarımız hər bir vətənpərvər vətəndaşı sevindirir. Ancaq idman sadəcə olaraq idman yarışlarında əldə edilən qələbə deyildir. İdmanın cəmiyyətdə çox geniş, çoxşaxəli təsiri vardır. Bir daha qayıtmaq istəyirəm əvvəlki fikrə, adətən inkişaf etmiş ölkələrdə idman da inkişaf edir və inkişafdadır. Yəni idmanın inkişafı ölkələrin ümumi inkişafının göstəricisidir.

Baxmayaraq ki, müstəqilliyimizin cəmi iyirmi bir yaşı vardır, bizim dövlətimiz özünü təsdiq edə bilib. Azərbaycana beynəlxalq aləmdə çox böyük hörmət vardır. Beynəlxalq aləm bizi dəstəkləyir və keçən il BMT Təhlükəsizlik Şurasına seçilməyimiz bunun bariz nümunəsidir. 155 ölkə namizədliyimizi dəstəkləyərək bizə öz hörmətini, inamını və etimadını göstərmişdir. Bu gün Azərbaycan dünyada gedən qlobal proseslərdə fəal iştirak edir. Yəni, biz həm regional çərçivələrdə, həm beynəlxalq arenada çox fəal işlər görürük. Bizim birmənalı, müstəqil siyasətimiz, uğurlu iqtisadi islahatlarımız vardır. Sadaladığım bütün bu amillərin arasında idmanın da öz mühüm yeri vardır.

Mən şübhə etmirəm ki, bundan sonrakı illərdə də idman və Olimpiya hərəkatı Azərbaycanda sürətlə inkişaf edəcəkdir" Prezident deyib.

İlham Əliyev vurğulayıb ki, hazırda Bakıda tikilməkdə olan yeni, müasir, böyük Olimpiya obyektləri, idman qurğuları siyasətimizin nə qədər böyük və düşünülmüş olduğunu bir daha göstərir.

"Hazırda Bakıda yeni Olimpiya Stadionu inşa edilir. Yetmiş min yerlik bu stadion bölgənin ən böyük və ən müasir Olimpiya Stadionu olacaqdır. Hazırda böyük tutumlu Gimnastika Sarayı tikilir. Bu yaxınlarda yeni, müasir Su İdman Növləri Sarayı tikilməyə başlamışdır. Bu il, eyni zamanda, idman yarışları üçün lazım olan ən böyük Bakı "Crystal Hall" tikilmişdir. Bölgələrdə stadionlar, idman obyektləri tikilir. Yəni, bu sahədə işlərimiz bundan sonra da davam etdiriləcək və biz elə idman infrastrukturu yaradacağıq ki, istənilən beynəlxalq yarışı Bakıda keçirmək mümkün olsun. Bizim hədəfimiz də məhz bundan ibarətdir. Ümid edirəm ki, biz bu istiqamətdə də hədəfimizə çatacağıq. Mən hesab edirəm ki, növbəti Olimpiya Oyunlarına qədər biz, bizim üçün ənənəvi olmayan idman növlərində də uğurlar qazanmalıyıq.

Hər bir Olimpiya Oyunlarının yekunları, uğurları və bəzi hallarda yaşanan məyusluq, eyni zamanda, gələcək fəaliyyətimiz üçün də bir yol göstəricisidir. Çünki həm uğurlar, həm məğlubiyyətlər bizi, necə deyərlər, öyrətməlidir ki, bizim üçün ənənəvi idman növlərində uğurlarımızı artıraq, bizim üçün yeni olan idman növlərində də peşəkar kadrları yetişdirmək üçün hansı addımları ataq. Hesab edirəm ki, London Yay Olimpiya Oyunları medalların sayına, idmançılarımızın çıxışlarına görə doğrudan da böyük qiymətə layiqdir. On medal qazanılıb. Ancaq hamımız yaxşı bilirik ki, ən azı beş medal da qazanılmalı idi. İdmançılarımız buna yaxın idi. Bəzi medalların əyarları daha da üstün olmalı idi. Biz bunu, bəzi Olimpiya oyunlarındakı məqamları yaxşı xatırlayırıq. Ancaq bəzi hallarda ədalətsizlik bizi yoldan çəkindirməməlidir. Biz daha böyük əzmlə və iradə ilə çalışmalıyıq ki, uğurlarımızı artıraq. Bu gün Bakıda Milli Olimpiya Komitəsinin 20 illik yubileyi qeyd olunur. Bu yubiley tədbirləri artıq bir neçə gündür ki, Bakıda qeyd olunur. Bu gün bu ziyafətdə bizim qonaqlar, bizim görkəmli idmançılar, idman ictimaiyyətinin nümayəndələri toplamışlar. Mən bir daha bütün idman ictimaiyyətini, bütün Azərbaycan xalqını bu gözəl hadisə münasibətilə ürəkdən təbrik edirəm. idmançılara yeni qələbələr, yeni uğurlar arzulayıram. Sağ olun!" Prezident çıxışında deyib.

Mingəçevirdən Bakıya sərnişin daşıyan sürücü həbs edilib (FOTO)
Mingəçevirdən Bakıya sərnişin daşıyan sürücü həbs edilib (FOTO)
İsmayıllı sakinlərindən 4 ədəd odlu silah götürülüb (FOTO)
İsmayıllı sakinlərindən 4 ədəd odlu silah götürülüb (FOTO)
Biləsuvarda su kanalında qadın batıb
Biləsuvarda su kanalında qadın batıb
Loading Bars
Xəbər lenti
Mingəçevirdən Bakıya sərnişin daşıyan sürücü həbs edilib (FOTO)
Ağdam rayonunun Şelli kəndi (FOTO/VİDEO)
Azərbaycanın Ermənistana qarşı dövlətlərarası ərizəsi İnsan Hüquqları üzrə Avropa Məhkəməsinə göndərilib
“Azərlotereya” Türkiyənin “YMT Sans B.V.” şirkətinə müqavilə əsasında idarəetməyə verilib - SƏRƏNCAM
BŞİH və “Regional İnkişaf” İctimai Birliyinin birgə təşkilatçılığı ilə ağacəkmə aksiyası keçirilib (FOTO)
Kəlbəcər qəbiristanlığında 27 ildən sonra azan səslənib (VİDEO)
Çində 5 gün ərzində xəstəxana tikilib
Postlardan keçməyə cəhd göstərən 1751 nəqliyyat vasitəsi geri qaytarılıb - STATİSTİKA
İranda 96 nəfər koronavirusdan ölüb
İsmayıllı sakinlərindən 4 ədəd odlu silah götürülüb (FOTO)
Prezident İlham Əliyev dünyaya mesaj verdi ki, Azərbaycan həmişə bəşəri dəyərlərə qiymət verən humanist bir dövlətdir - Tamam Cəfərova
Bu il aktiv məşğulluq və sosial müdafiə proqramları daha da genişlənəcək
Bakının hansı rayonunda koronavirus daha çox yayılıb?
Prezidentin tarixi: Bir zamanlar düşmənlərin “Yallı” getdiyi Cıdır düzünə artıq öz sahibləri qayıdıb
Azərbaycanda koronavirusa yoluxmanın ən çox qeydə alındığı bölgələr
Köçkünlərin azad edilən ərazilərimizə qayıdışı 3 mərhələdə ola bilər - İqtisadçı
Azercell-in Mobil Göz və Mobil Diş Klinikaları 2020-ci il ərzində yüzlərlə insana təmənnasız tibbi xidmət göstərib! (FOTO)
Gürcüstanda hakim partiyanın yeni sədri seçilib
Moskva hava limanlarında onlarla reys təxirə salınıb
Yol polisindən qeyri-sabit hava şəraiti ilə bağlı sürücülərə XƏBƏRDARLIQ
Şuşa şəhəri elektrik enerjisi ilə təchiz edilib (VİDEO)
Səfərbərlikdən tərxis edilmiş şəxslərin müraciətlərinə baxılması üzrə komissiya 1700-dən artıq müraciətə baxıb (FOTO)
Biləsuvarda su kanalında qadın batıb
Şuşa əməliyyatı aparıcı beynəlxalq hərbi məktəblərin dərsliklərinə salınacaq - Vüqar Rəhimzadə
Ermənilər Qarabağda Azərbaycan mədəniyyətinin izlərini silməyə çalışırdılar - Deputat
Bu yollarda karantin postları fəaliyyətini davam etdirəcək - DYP
Bu ərazilərdə karantin postları ləğv edilir - Baş DYP
Gəncədə yaşayış yerini tərk edən COVID-19 xəstələrinə cinayət işi açılıb
Füzuli rayonunun Mirzəcamallı kəndi (FOTO/VİDEO)
54 şəhid ailəsi üzvü tibbi müayinədən keçirildi (FOTO)
Sabahın hava proqnozu açıqlanıb
Yeni Azərbaycan Partiyasının təşəbbüsü ilə qanvermə aksiyası keçirilib (FOTO)
Bakıda qar yağacaq, yollar buz bağlayacaq
“BakuBus”un rəhbəri vəzifəsindən azad edilib
Azərbaycan nefti ucuzlaşır
TAP iki ildən bir bazar sınaqları keçirəcək - İcraçı direktor
Rusiyada koronavirusdan ölənlərin sayı 65 mini keçib
Azərbaycanda qaz sayğaclarının uzaqdan oxunmasına start verilib (FOTO)
Karantin rejimi ilə bağlı hansı qərarlar dəyişdi? - Qısa İZAH
Azad olunan ərazilərdə tütünçülüyün inkişafı müzakirə edilib (FOTO)
Azad olunmuş ərazilərimizdə yeni yolların, aeroportların tikilməsi böyük qayıdış üçün vacib prioritetlərdəndir - Deputat
Karantinə getməmək üçün yalnız vaksinasiya yetərli deyil - TƏBİB-dən çağırış
Reza Deqati Fransa kanalında Şuşanın tarixindən, erməni vəhşiliklərindən danışıb (FOTO/VİDEO)
Polis Yardımlıda əməliyyat keçirdi, keçmiş məhkumdan külli miqdarda narkotik aşkarlandı
Hindistanda dünyanın ən kütləvi peyvəndləməsi başlayıb
Məktəblərlə bağlı gələn həftə qərar veriləcək
Hər bir vətəndaşın vaksinasiyada aktiv iştirakı vacibdir – Şahmar Mövsümov
Vaksinasiyadan sonra da qorunma tədbirlərinə ciddi əməl etməliyik - TƏBİB
Kəlbəcər rayonunun Hacıkənd kəndi (FOTO/VİDEO)
Vaksin seçimində əsas meyar təhlükəsiz və effektlivliyidir - Səhiyyə Nazirliyi
Fevralın 1-dən 65 yaşdan yuxarı vətəndaşların vaksinasiyasına başlanılacaq
Azərbaycana 2 milyon doza Sinovac vaksini gətirilib
Azərbaycanda vaksinlər bu maliyyə mənbələri hesabına alınacaq
Bəzi ölkələrdən diri heyvan və heyvan mənşəli məhsulların gətirilməsinə məhdudiyyət qoyulub
Azərbaycanda vaksinasiya strategiyası açıqlanıb
Əsas məqsəd azad edilmiş ərazilərin bərpasıdır, ancaq koronavirusla mübarizəmiz də davam edir – Şahmar Mövsümov
Şuşada vaksinlərin saxlanma məntəqələri qurulur
Birinci bu şəxslər peyvənd olunacaq - CƏDVƏL
Pandemiya ilə güclü mübarizə üsulları hələ hazır deyil - Səhiyyə Nazirliyi
Gəncədə COVİD-19-a qarşı mübarizə tədbirləri davam edir (FOTO)
Azərbaycanda yanvarın 18-dən koronavirsa qarşı vaksinasiya başlayacaq - Şahmar Mövsümov
Ölkədə COVİD-19-a yoluxma əmsalı 5 faizədək enib - TƏBİB
Tətbiq olunan sərt karantin rejimi öz müsbət nəticələrini verib - Prezidentin köməkçisi (ƏLAVƏ OLUNUB)
Tərtərdə qanunsuz işləyən kompüter zalı aşkar olundu (VİDEO)
Yaxın qohumların dəfnində iştirakla bağlı qərar açıqlanıb
Bu tarixdən bərbərxanalar və gözəllik salonları açılır
Bir gündə cinayət törədən 45 nəfər saxlanılıb
“Ehtiyat zabit hazırlığı kursu”na növbəti qəbul başlayır
Operativ Qərargah beynəlxalq və ölkədaxili uçuşlar bağlı məlumat yayıb
Bütün qapalı və açıq məkanlarda maska məcburidir - RƏSMİ
5 şəhər və 12 rayona giriş-çıxış bərpa olunmur
Metronun qapalı qalması və ictimai nəqliyyatın həftəsonu işləməməsi ilə bağlı qərar qüvvədə qalır
Bu tarixdən kafe və restoranlar işləyə biləcək - Operativ Qərargah
Bu sahələrin fəaliyyəti bərpa olunur
SMS icazə ləğv olunur - RƏSMİ
Azərbaycanda sərt karantin rejimi yumşaldılır
"Twitter"in işində qüsurlar yaranıb
TAP-ın buraxılış gücü artırıla bilərmi?
260 qaziyə sosial-psixoloji reabilitasiya xidmətləri göstərilib (FOTO)
Azad edilmiş ərazilərdə layihələrin reallaşdırılması yeni iş yerləri yaradacaq
Azad edilmiş ərazilərdə ilkin olaraq 10 seysmik stansiya quraşdırılacaq
İlham Əliyev müxtəlif siyasi qüvvələrin fikir birliyini təmin edən lider kimi də tarixə düşdü - Tarixçi alim
Ukrayna Azərbaycanı koronavirusla əlaqədar təhlükəli ölkələr siyahısından çıxarıb
Diabetlə əlaqəli fəsadlaşmaların sayının artması büdcəyə ağır maliyyə yükü yaradır - Agentlik sədri
Braziliyada ötən sutka koronavirusdan 1 038 nəfər ölüb
Azərbaycanda istehsalı artmış və azalmış məhsullar açıqlanıb
"Anglo Asian Mining" şirkəti ötən il Azərbaycanda mis istehsalını artırıb
Kompensasiya ilə bağlı şayiələr həqiqəti əks etdirmir - TƏBİB
ABŞ-ın səhiyyə naziri istefaya gedib
Paytaxtın küçələri yenidən dezinfeksiya edilir (FOTO)
Fransada koronavirusdan ölənlərin sayı 70 min nəfərə çatır
Trampın "Facebook" və "İnstagram" hesabları bərpa edilib
Bayden Mərkəzi Kəşfiyyat İdarəsinin direktor müavini vəzifəsinə namizədini açıqlayıb
İranda güclü zəlzələ baş verib
İspaniyada rekord sayda yoluxma halı qeydə alınıb
Cəbhəboyu ərazilərdə əl qumbaraları, mərmilər və minalar aşkarlanıb - ANAMA (FOTO)
BMT-nin baş katibi koronavirusa qarşı vaksinasiya olunacaq
ÜST: Dünyada koronavirusa yoluxanların sayı 709 mindən çox artıb
Meksika sahillərində güclü zəlzələ baş verib
"WhatsApp" tənqidlərə görə yeni qaydaların tətbiqini təxirə saldı
Bütün xəbərlər