Azərbaycan, Bakı, 9 oktyabr /Trend, müxbir T.Cəfərov/
Biz artıq 5-6 seçki məntəqəsində olmuşuq, müşahidələr aparmışıq və indiyə qədər müşahidələrimizdən əhalinin səhər saatlarından seçkilərdə aktiv iştirak etdiyinin şahidi olmuşuq. Bunu İranın Azərbaycanda keçirilən prezident seçkilərində müşahidəçisi, İran-Azərbaycan Dostluq Cəmiyyətinin həmsədri Əhəd Qəzai Trend-ə deyib.
Qəzai deyib ki, indiyədək Azərbaycanda keçirilən bir neçə seçki prosesini müşahidəçi kimi izləyib: "Bu dəfəki seçkini o birilərdən fərqləndirən cəhətlərdən biri əhalinin hələ ilk saatlardan aktiv olaraq səsvermədə iştirak etməsidir".
O bildirib: "Seçkinin keçirilməsi prosesində nizam və intizamın olduğunu müşahidə etdim. Heç bir qanun pozuntusu ilə rastlaşmadıq. Seçki elə təşkil olunub ki, qanun pozuntusunun olması üçün şərait yoxdur".
İranlı müşahidəçi: Seçki elə təşkil olunub ki, qanun pozuntusunun olması üçün şərait yoxdur
Biz artıq 5-6 seçki məntəqələrində olmuşuq , müşahidələr aparmışıq və indiyə qədər müşahidələrimizdən əhalinin səhər saatlarından seçkilərdə aktiv iştirakının şahidi olmuşuq.
