...

Milyarderdən Barak Obamaya istefa çağırışı

Siyasət Materials 24 Oktyabr 2014 18:56 (UTC +04:00)
ABŞ Prezidenti Barak Obama Amerika xalqı qarşısında üzr istəməli və istefaya getməlidir.
Milyarderdən Barak Obamaya istefa çağırışı

Azərbaycan, Bakı, 24 oktyabr /Trend/

ABŞ Prezidenti Barak Obama Amerika xalqı qarşısında üzr istəməli və istefaya getməlidir. Trend-in RİA Novosti-yə istinadən verdiyi məlumata görə, belə bir bəyanatla ABŞ-ın ən varlı adamlarından biri, milyarder Donald Tramp "Twitter" sosial şəbəkəsindəki səhifəsində çıxış edib.

D.Tramp yazıb: "Əgər bir həkim "Ebola" virusunun olduğu Qərbi Afrikadan Nyu Yorka düşünmədən gəlibsə, onda Obama Amerika xalqı qarşısında üzr istəməli və istefaya getməlidir".

Belə bir bəyanata səbəb "Ebola" virusu simptomlarına malik xəstənin Nyu Yorkda xəstəxanaya yerləşdirilməsi barədə xəbər olub. Söhbət "Sərhədsiz həkimlər" təşkilatı çərçivəsində "Ebola" virusu ilə mübarizə apardığı Qvineyadan qayıdan 33 yaşlı Kreyq Spenserdən gedir.

Milyarderin fikrincə, hər şeydən əvvəl baş verənlərə günahkar ABŞ Prezidentidir.

Bundan əvvəl D.Tramp ABŞ Prezidentini yürütdüyü siyasətə və "Ebola" virusunun yayılması ətrafındakı vəziyyətə görə dəfələrlə tənqid edib. O, hətta B.Obamanın psixi sağlamlığına şübhə etdiyini deyib.

İndiyədək ABŞ-da "Ebola" virusundan liberiyalı Tomas Dunkan vəfat edib. Onun müalicəsi zamanı tibb bacılarından biri virusa yoluxub.

Məlum olduğu kimi, "Ebola" virusu Qərbi Afrikada - Liberiya, Syerra-Lion, Qvineya, Nigeriya, Konqo və Seneqalda sürətlə yayılır. Yoluxma halları artıq ABŞ, İspaniya, Norveç, Avstraliya və digər ölkələrdə qeydə alınıb.

Məqalədə:
Xəbər lenti

Xəbər lenti