Bakı. Trend:
Dağlıq Qarabağ münaqişəsinin nizamlanması üzrə danışıqlar prosesində aktivliyi deyil, effektivliyi artırmaq lazımdır.
Trend-in məlumatına görə, bunu brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova deyib.
O qeyd edib: “Fəallığı yox, səmərəliliyi artırmaq lazımdır. Fikrimcə, hamı bununla məşğul olacaq”.
M.Zaxarova onu da əlavə edib ki, ATƏT-in hazırkı sədri, İtaliyanın xarici işlər naziri Ancelino Alfano fevralın 1-də Rusiyaya işgüzar səfər edəcək. Səfər zamanı ATƏT regionunda, o cümlədən Cənubi Qafqazda münaqişələrin həll olunmasına yardım məsələlərini müzakirə etmək planlaşdırılır.