...

Azərbaycan XİN: Dağlıq Qarabağ münaqişəsinin nizamlanması 2019-cu ildə əsas vəzifə olaraq qalacaq (FOTO)

Siyasət Materials 18 Dekabr 2018 18:28 (UTC +04:00)
Dağlıq Qarabağ münaqişəsinin nizamlanması yollarının axtarılması 2019-cu ildə Azərbaycan üçün əsas vəzifə olaraq qalacaq.
Azərbaycan XİN: Dağlıq Qarabağ münaqişəsinin nizamlanması 2019-cu ildə əsas vəzifə olaraq qalacaq (FOTO)

Bakı. Sara İsrafilbəyova - Trend:

Dağlıq Qarabağ münaqişəsinin nizamlanması yollarının axtarışı 2019-cu ildə Azərbaycan üçün əsas vəzifə olaraq qalacaq.

Trend-in məlumatına görə, bunu Azərbaycanın xarici işlər naziri Elmar Məmmədyarov ölkəmizdə fəaliyyət göstərən diplomatik korpusun rəhbərləri ilə 2018-ci ilin yekunlarına həsr edilmiş qəbulda deyib.

Nazir qeyd edib: "Əsas vəzifələrimizdən biri müstəqilliyimizin möhkəmləndirilməsi idi. Fəaliyyətimin böyük hissəsini Dağlıq Qarabağ münaqişəsinin həlli yollarının axtarışına həsr etmişəm. Bu, gələn ilin də əsas vəzifəsi olacaq. Əsas məqsəd nəzərəçarpacaq nəticələrə nail olmaqdır. Bu, təkcə mənim yox, hər bir azərbaycanlının arzusudur. Hesab edirəm ki, uzun müddətdən sonra ilk dəfə Milanda erməni həmkarımla son görüşüm zamanı qarşılıqlı anlaşma əldə edə bildik".

E.Məmmədyarov bildirib ki, növbəti ayda Ermənistanın xarici işlər naziri ilə görüşü olacaq: “Biz Dağlıq Qarabağ münaqişəsinin həlli yollarını müzakirə edəcəyik. Azərbaycan münaqişənin sülh yolu ilə həllinin tərəfdarıdır”.

Bu il əldə olunan mühüm nailiyyətlərdən danışan nazir Xəzər dənizinin hüquqi statusunun müəyyən edilməsini xüsusi vurğulayıb: "Bu, böyük irəliləyişdir, nəhayət, uzun illərdən sonra biz buna nail olduq".

Məqalədə:
Xəbər lenti

Xəbər lenti