Bakı. Trend:
ATƏT üçlüyü və təşkilatın baş katibi Cənubi Qafqazdakı vəziyyəti müzakirə ediblər
Trend bu barədə ATƏT-ə istinadən xəbər verir.
Qeyd olunur ki, BMT Baş Assambleyasının 77-ci sessiyası çərçivəsində ATƏT üçlüyünü təmsil edən ATƏT-in fəaliyyətdə olan sədri, Polşanın xarici işlər naziri Zbiqnev Rau, İsveçin xarici işlər naziri Ann Linde, Şimali Makedoniyanın xarici işlər naziri Bujar Osmani və təşkilatın baş katibi Helqa Mariya Şmid arasında görüş keçirilib.
Görüş zamanı tərəflər ATƏT regionunda müharibələrin nəticələrinə, o cümlədən təkcə yaxın ərazidə deyil, Mərkəzi Asiya, Cənub-Şərqi Avropa və onun hüdudlarından kənarda yaranan iqtisadi, ekoloji və humanitar problemlərə toxunublar. Tərəflər ayrı-ayrılıqda Cənubi Qafqazdakı vəziyyətə toxunublar.