...

İndiyədək 146 əsgərin qalıqları Ermənistana qaytarılıb

Siyasət Materials 28 Noyabr 2022 23:52 (UTC +04:00)
İndiyədək 146 əsgərin qalıqları Ermənistana qaytarılıb

Trend-i buradan izləyin

Bakı. Trend:

İndiyədək 146 əsgərin qalıqları Ermənistana qaytarılıb.

Trend xəbər verir ki, bu barədə Xarici İşlər Nazirliyinin Mətbuat xidməti idarəsinin rəisi Ayxan Hacızadə tviterdə bildirib.

"Azərbaycan beynəlxalq humanitar hüquqa sadiqliyini nümayiş etdirərək sentyabrın 12-14-də Ermənistanın son hərbi təxribatı zamanı həlak olmuş erməni əsgərlərinin qalıqlarının sərhədlər boyu axtarışlarını davam etdirir. Hazırda 146 əsgərin qalıqları Ermənistana qaytarılıb", - deyə A.Hacızadə bildirib.

Xatırladaq ki, 2022-ci ilin 12-13 sentyabr tarixlərində Azərbaycan-Ermənistan sərhədində baş vermiş hərbi əməliyyatlar zamanı həlak olmuş erməni hərbi qulluqçularına aid meyitlərin axtarışı prosesi davam etdirilib.

Ərazidə aparılmış axtarış tədbirləri nəticəsində aşkar olunmuş Ermənistan hərbçilərinə məxsus 13 cəsəd cari ilin noyabrın 28-də Azərbaycan Respublikasının Hərbi Prokurorluğunun əməkdaşlarının iştirakı ilə baxış keçirildikdən və onların üzərində hər hansı zorakılıq əlamətlərinin olmaması müəyyən edildikdən sonra beynəlxalq humanitar hüquq normalarına uyğun qaydada Beynəlxalq Qızıl Xaç Komitəsinin vasitəçiliyi ilə qarşı tərəfə təhvil verilmişdir.

Məqalədə:
Xəbər lenti

Xəbər lenti