Bakı. Trend:
İyulun 14-də Özbəkistan Ali Məclisində Prezident Şavkat Mirziyoyevin andiçmə mərasimi olub.
Trend xəbər verir ki, Şavkat Mirziyoyev təntənəli şəkildə and içərək Özbəkistan Respublikasının Prezidenti vəzifəsinin icrasına başlayıb.
İyulun 9-da keçirilən prezident seçkilərində yenidən seçilən Şavkat Mirziyoyevin səlahiyyət müddəti 2028-ci ilə qədər davam edəcək.
Xatırladaq ki, Özbəkistanda növbədənkənar prezident seçkiləri iyulun 9-da keçirilib və Şavkat Mirziyoyev 87,05 faiz səs toplayıb.
Özbəkistanda iyulun 9-da keçirilən prezident seçkiləri 2023-cü il aprelin 30-da keçirilmiş referendumun nəticələrinə əsasən konstitusiyaya əlavə və dəyişikliklərin qəbulundan sonra ilk seçki oldu.
Konstitusiyaya edilən dəyişikliklər ölkə başçısının səlahiyyət müddətinin 5 ildən 7 ilə qədər artırılmasını nəzərdə tutur.