"Azadlıq" blokunda təmsil olunan partiyaların bir-birilərinə qarşı ittihamları yersizdir. Demokratiya uğrunda birgə mübarizə aparmağa and içmiş adamların bu gün bir-birlərinə qarşı rəqibə çevrilməsi xoşagəlməz haldır və "Azadlıq" blokunun nüfuzuna kölgə salacaq". Bu fikirləri Trend ə açıqlamasında Azərbaycan Demokrat Partiyasının (ADP) mətbuat xidmətinin rəhbəri Nurəddin İsmayılov bildirib.
Qeyd edək ki, "Azadlıq" blokuna daxil olan partiyalar arasında bir-birilərinə qarşı ittihamları mətbuat səhifələrində açıq xarakter almağa başlayıb. Nurəddin İsmayılov qeyd edib ki, bu günə qədər müttəfiq olmuş partiyalar arasında indii yaranmış anlaşılmazlıqlar sağlam müstəviyə keçirilməli, şəxsi ləyaqətin tapdalanması hallarına yol verilməməlidir. ADP funksioenir hesab edir ki, əgər bu qarşılıqlı ittihamlar, bir-birilərini təhqşir etmək cəhdləri düşünülmüş və planlı şəkildə, həm də ardıcıl olaraq davam etsə, bu, "Azadlıq" blokunun parçalanmasına gətirib çıxaracaq.
ADP funksioneri "Azadlıq" blokunun bundan sonra fəaliyyətinin davam edib-etməyəcəyinə münasibət bildirərkən deyib ki, əgər blokunun bir qurum kimi siyasi səhnədə qalması cəmiyyətin sosial sifarişinə çevriləcəksə qalacaq. Bu sifariş yoxdursa blokun fəaliyyəti sona çatacaq.