Əhalinin məşğulluq probleminin həlli Culfa rayonunda da həyata keçirilir. Rayonun 38 min 723 nəfər əhalisinin 16 min 300 nəfəri əmək qabiliyyətlidir. Onların məşğulluq probleminin həllində aqrar sektorun inkişafına göstərilən qayğı önəmli rol oynayıb. Digər mənbələr hesabına da işsiz əhalinin iş yerləri ilə təminatına diqqət yetirilib.
Rayon məşğulluq mərkəzinin direktoru Ramiz Allahyarovun Trend verdiyi məlumata görə, ötən il mərkəzdə qeydə alınmış 302 nəfər işsiz vətəndaşın 166-sı daimi işlə təmin olunub. Qeydə alınanlardan 80 nəfərə işsizlik statusu verilib, 16 nəfər peşə hazırlıq kurslarına göndərilib, onlardan 15 nəfəri ixtisasları üzrə işlə təmin olunub.
