Gəncə şəhər rayonlararası lift istehsalat təmir idarəsinin rəisi Ələddin Atayevin verdiyi məlumata görə, ötən il Gəncədə olan hündürmərtəbəli binalarda 60 ədəd liftdə təmir işləri aparılıb. 3 ədəd işləməyn lift isə əsaslı təmir olunaraq əhalinin istifadəsinə verilib. Bu il Nazirlər Kabinetinin sərəncamı ilə ayrılan vəsait hesabına Gəncəyə 15 yeni lift alınıb.
Hazırda bu liftlərin quraşdırılması prosesi gedir. Atayev bildirib ki, yeni liftlər əsasən şəhərin Yeni Gəncə və Mahrasa bağı ərazisində quraşdırılacaq. İdarənin rəisi onu da əlavə edib ki, bu il daha 30 belə yeni liftin alınması planlaşdırılır. "Bununla da əhalinin lift sarıdan çətinlikləri həll olunacaq" - deyə Ələddin Atayev bildirib.