Gəncə şəhər Diyarşünaslıq Muzeyində reallaşan tədbirdə şəhərin bir neçə orta məktəbinin müəllim və şagird kollektivləri iştirak edib. Bundan başqa şəhər Mədəniyyət qoruğunun əməkdaşları da yığıncağa qatılıblar. Əsasən şəhərin tarixi abidələri haqqında məlumat verilib və onların fotoları sərgilənib. Muzeyin əməkdaşları isə tarixi abidələrin qorunması sahəsində son illər görülən işlərdən danışıblar. Şagirdlərə daim tarixi abidələrə və tarixi yerlərimizə hörmətlə yanaşmaq tövsüyə olunub.
Ədliyyə Nazirliyinin əməkdaşları Gəncədə seminar-treninq keçiriblər
Dünən və bu gün Gəncə Mehmanxanasında Gənclər və İdman Nazirliyinin və Ədliyyə Nazirliyinin əməkdaşları seminar-treninq keçiriblər. Seminarda əsasən Qərb bölgəsinin QHT nümayəndələri və nazirliklərin yerli şöbələrinin əməkdaşları iştirak edib. Gənclər və İdman Nazirliyinin əməkdaşları Fuad Babayev və Qurban Kərimbəyli gənclərin problemlərindən danışıb, dövlətin bu sahədə gördüyü və görəcəyi işlərdən söhbət açıblar. Ədliyyə Nazirliyinin işçisi Əfqan Baxışov isə öz çıxışında QHT-lərin qeydiyyatı məsələsinə toxunub, bu sahədə aparılan işlər haqqında məlumat verib. QHT nümayəndələri isə qeydiyyat məsələlərində baş verən ləngimələrdən danışıblar. Qeyd edək ki, seminar 2 gün davam edib.
