Milli Məclisin mədəniyyət məsələləri daimi komissiyasının payız sessiyası üçün qanunvericilik işləri planında üç qanunun yenidən hazırlanması nəzərdə tutulub. Bu barədə Trend ə Milli Məclisin mədəniyyət məsələləri daimi komissiyasının sədri, professor Nizami Cəfərov bildirib.
N.Cəfərov bildirib ki, payız sessiyasında "Teatr haqqında" qanun ikinci oxunuş üçün təqdim olunacaq. Qeyd edək ki, adıçəkilən qanun birinci oxunuşdan keçib.
Komissiya sədri vurğulayıb ki, "Mədəniyyət haqqında" qanun üzərində yenidən işləmək planlaşdırılıb: "Çünki bu sənədin xeyli müddəaları artıq köhnəlib və reallıqlarla uyğunlaşmır. "Şou-biznes haqqında" qanun üzərində də işimizi planlaşdırmışıq. Yeni bir sənəd - "Yaradıcı təşkilatlar haqqında" qanunun da hazırlanması nəzərdə tutulub".
