Avropa Şurası Azərbaycan hökuməti ilə birgə ölkənin Seçki Məcəlləsinə dəyişikliklərin edilməsi məsələsi üzərində işləyir. Trend in xəbər verdiyi kimi, bu barədə oktyabrın 10-da Avropa Şurası baş katibinin Azərbaycandakı xüsusi nümayəndəsi Denis Bribosia bəyan edib.
"Sentyabrın ortalarında Azərbaycan hökuməti qanunu Venesiya Komissiyasına göndərib və hazırda biz bu qanun üzərində işləyirik", - deyə xüsusi nümayəndə qeyd edib.
D.Bribosia əlavə edib ki, bu məsələ ilə bağlı hələlik hər hansı proqnoz vermək istəmir.