Trend xəbər verir ki, Azərbaycan prezidenti İlham Əliyev Davos forumu çərçivəsində Ukrayna baş naziri Viktor Yanukoviçlə görüşüb.
Görüşdə Azərbaycan və Ukrayna arasında müxtəlif sahələrdə əlaqələrin uğurlu inkişafı qeyd olunub, siyasi, iqtisadi və digər sahələrdə ikitərəfli əməkdaşlığın daim genişlənməsindən məmnunluq bildirilib. Həmçinin beynəlxalq təşkilatlar sərçivəsində və regional səviyyədə iki ölkə arasında qarşılıqlı fəaliyyətin güclənməsi vurğulanıb, bunun gələcəkdə də davam edəcəyinə ümidlər bildirilib.
Viktor Yanukoviç Azərbaycana uğurlu səfərini məmnunluqla xatırlayıb.