Azərbaycan, Bakı / Trend müxbir İ.Əlizadə/ Dağlıq Qarabağ münaqişəsinin BMT müstəvisində müzakirəsi ilk növbədə Azərbaycanın beynəlxalq aləmdə artan nüfuzunun nəticəsidir. Milli Məclis sədrinin birinci müavini, hakim Yeni Azərbaycan Partiyası (YAP) Siyasi Şurasının üzvü Ziyafət Əsgərov bildirib ki, bu eyni zamanda, bütövlükdə GUAM-ın artıq beynəlxalq təşkilat olaraq güclənməsinin ifadəsidir: "BMT dondurulmuş münaqişələrin həllinə ciddi yanaşmalıdır. Bu münaqişələrin həlli illərlə uzana bilməz. Torpaqlarımızın 20 faizinin işğal olunmasına, 1 milyondan artıq insanın öz torpaqlarından didərgin düşməsinə nə qədər dözmək olar? Münaqişələrin uzanması BMT-nin də nüfuzuna ciddi xələl gətirir. Təsəvvür edin, BMT-nin Dağlıq Qarabağla bağlı 4 qətnaməsinin qəbulundan 14 il ötməsinə baxmayaraq, hansısa kiçik bir Ermənistan bu sənədlərə məhəl qoymur. Bu hadisə dünyada ən universal təşkilat olan BMT-yə başucalığı gətirmir. GUAM-ın təklif etdiyi məsələnin BMT-də müzakirəsi isə təşkilatın öz nüfuzunu qoruması baxımından ciddi əhəmiyyət kəsb edə bilər."
Z.Əsgərov Ermənistanın xarici işlər naziri Vardan Oskanyanın və ATƏT-in Minsk Qrupunun Rusiyadan olan həmsədri Yuri Merzlyakovun "məsələnin BMT-də müzakirə olunması Dağlıq Qarabağ probleminin həllində geriyə doğru addım ola bilər" tipli açıqlamasını cəfəng söhbət adlındırb. Onun fikrincə, münaqişənin həlli istiqamətində digər beynəlxalq qurumların təşəbbüsü ümumi işin xeyrinədir. Z.Əsgərov Ermənistanın xarici işlər naziri Vardan Oskanyanın və ATƏT-in Minsk Qrupunun Rusiyadan olan həmsədri Yuri Merzlyakovun "məsələnin BMT-də müzakirə olunması Dağlıq Qarabağ probleminin həllində geriyə doğru addım ola bilər" tipli açıqlamasını cəfəng söhbət adlındırb. Onun fikrincə, münaqişənin həlli istiqamətində digər beynəlxalq qurumların təşəbbüsü ümumi işin xeyrinədir.
