Azərbaycan, Bakı, 23 yanvar /müx. TrendLife Cavid Osmanov/
Müğənni İlqar Sail nədənsə son zamanlar tele-ekranlarda çox az görünür. Görəsən, müğənni hazırda nə işlə məşğuldur? Bu sualla TrendLife- a Sailə müraciət edib.
"Pul qazanmaq onsuz da lazımdır. Hər kəsin ailəsi var. Və onları dolandırmaq üçün pul qazanmaq mütləqdir. Lakin bununla bərabər, yaradıcılıq işləri də yaddan çıxmamalıdır. Bir balaca problemlər var, onları həll edən kimi yeni mahnılarım hazır olacaq. Əsasən, bəstəkar Nadir Əzimovla işləyirəm. Bundan əlavə, "Sənə inandım" mahnısına klip çəkdirmişəm. Çalışacağam, pərəstişkarlarımı yeniliklərlə sevindirim".