Azərbaycan, Bakı, 04 mart / Trend ,, müxbir K. Zərbalıyeva/ Sərhədçilər dizel yanacağı qaçaqmalçılıği ilə məşğul olan cinayətkar dəstəni zərərsizləşdirib.
Dövlət Sərhəd Xidmətindən çərşənbə axşamı Trend ə verilən məlumata görə, fevralin 27-dən 28-nə keçən gecə Şıxov qəsəbəsi dəniz sahilində keçirilən əməliyyat-axtarış tədbirləri zamanı dəstə üzvləri saxlanılıblar.
İlkin araşdırma zamanı məlum olub ki, Qaradağ rayonunun Lökbatan qəsəbə sakinlərindən ibarət qrupun 5 nəfər üzvü müxtəlif gəmilərdən qeyri-qanuni yolla 126 ədəd 20 litrlik kanistirlərdə dizel yanacağı əldə edərək, gizli şəkildə sahilə çıxarıb və sahibsiz tiklilərdə gizlədiblər.
Qaçaqmalçılara məxsus "Yamaha" markalı mühərrikli qayıq saxlanılıb.
Faktla bağlı əməliyyat-istintaq tədbirləri davam etdirilir.