Azərbaycan, Bakı, 18 mart / Trend , müxbir S.İlhamqızı/ Azərbaycan prezidenti İlham Əliyev Novruz bayramı münasibəti ilə bu gün əfv fərmanı imzalayıb. Bu barədə Trend ə Ədliyyə Nazirliyinin Penitensiar Xidmətindən məlumat verilib.
Əfv fərmanı 59 nəfərə şamil edilib. Onlardan 58-i cəzadan azad edilib, 1 nəfərin cəzası isə yarıya qədər azaldılıb.
Fərmanla bağlı əlavə məlumat veriləcək.
1995-ci ildən indiyədək 44 əfv fərmanı imzalanıb. Əvvəlki 43 fərmanla 4600-ə yaxın məhkum əfv olunub. Sonuncu əfv fərmanı ötən il 31 dekabr Dünya Azərbaycanlılarının Həmrəylik Günü münasibəti ilə verilmiş, 119 məhkuma şamil edilmişdi.