Azərbaycan, Qazax, 20 may / Trend , müxbir N.Fətullayeva/ Azərbaycanın qərbində yerləşən Ağstafa çayında suyun səviyyəsi artığından, daşqın təhlükəsi yaranıb. Bu barədə çərşənbə axşamı Trend -a Ağstafa rayonunun icra başçısının müavini Ramiz Tatarov məlumat verib.
Azərbaycanda mart-may aylarında dağlarda qarın əriməsi və intensiv yağışların yağması nəticəsində, çaylarda sululuğun səviyyəsi artır.
Tatarov deyib ki, Ağstafa çayı ətrafında sahilbərkitmə işləri aparılsa da, daşqın təhlükəsi qalmaqdadır.
Ötən ildən başlayaraq, Ağstafa çayı sahilində iki, rayon ərazisindən keşən Kür çayı sahilində isə, 3 kilometr uzunluğundə bəndlərin tikintisinə başlanılıb.
2007-ci ilin aprel-may aylarında intensiv yağışlar Ağstafa çayının səviyyəsinin artmasına və daşqınlara səbəb olmuşdu. Nəticədə, çay üzərindəki avtomobil yolu körpüsü tamamilə uçaraq, istifadəyə yararsız hala düşüb. Həmin dövrdə Kür çayının daşması rayonun Pirli kəndinin 300 hektara yaxın, Qırıqkəsəmənli kəndinin 20 hektardan çox təsərrüfat sahəsi su altında qalıb. Ötənilki təbii fəlakət Ağstafa rayonunun təsərrüfatına bir milyon manatdan artıq ziyan vurmuşdu.
Ağstafa paytaxt Bakıdan 420 kilometr qərbdə yerləşir.
Məqalə müəllifi ilə əlaqə ünvanı: [email protected]
