Azərbaycan, Bakı, 24 may /müx. TrendLife Safura
Əməkdar artist İlqar Muradov yeni klip çəkidirib. Aviasiya gününə həsr olunmuş "Hava yolları" klipinin rejissoru Rövşən Cahangirovdur. Musiqisi həvəskar bəstəkar Alxanlıya, sözləri isə İsmayıl Dadaşova aid olan "Hava yolları"na çəkilən klipə dəvət alan İlqar Muradov klipin maliyyə xərclərinin ona aid olmadığını dedi. Lakin bu Muradovun ifa üçün dəvət aldığı yeganə klip deyil. Musiqisi İqbala, sözləri isə Gülağa Tənhaya aid olan "Vətəni" mahnısına Ülviyyə Könülün çəkəcəyi klipdə də baş qəhrəman məhz İlqar olacaq. Hər gün durmadan çalışan əməkdar artist özünün çox sevdiyi, "Tənha royal" mahnısına klip çəkdirə bilmir. Aygün Səmədzadənin bu bəstəsinə artıq ssenarinin hazır olduğunu deyən Muradov bu klipin rejissorunun kim olacağını hələ müəyyənləşmədiyini söyləsə də, çəkilişlərin iyun ayında başlayacağını açıqladı.
