Azərbaycan, Bakı, 27 may/ Trend / Bakının mərkəzində yerləşən köhnə avtovağzal rayonunda ciddi yol-nəqliyyat hadisəsi baş verib. Sement daşıyan yük maşını aşıb. Bu zaman yaxındakı minik avtamobili maşının altında qalıb əzilib.
Trend -un müxbirinin hadisə yerindən verdiyi məlumata görə, hadisə yerinə dövlət yol polisi, təcili yardım və yanğından mühafizə briqadaları çağırılıb.
Hazırda xilasedicilər minik maşınını yük maşının altından çıxarmaq üçün xüsusi avadanlığın köməyi ilə onu qaldırmağa çalışırlar.
Yük maşınının sementlə dolu olması işi çətinləşdirir.
Görülən işlərlə əlaqədar, bu istiqamətdə yol bağlanılıb.
Müəlliflə əlaqə saxlamaq üçün elektron ünvan - [email protected]