Azərbaycan, Lənkəran, 07 iyul / Trend , müxbir P.Əliyeva/ Azərbaycanın Lənkəran rayonunda (paytaxt Bakıdan 270 kilometr cənubda yerləşir) yanvar-iyun aylarında 4 intihar hadisəsi qeydə alınıb. Bu barədə bazar ertəsi Trend -a Lənkəran şəhər Məhkəmə-Tibbi Ekspertiza və Pataloji Anatomiya Mərkəzinin rəisi Rafiq Qasımov bildirib.
Trend -un arayışı: Ötən ilin müvafiq dövründə Lənkəranda 6, ümumilikdə 2007-ci ildə isə 12 özünəqəsd faktı baş verib.
Qasımov bildirib ki, bu il intihar edənlərin3-ü kişi, 1-i qadın olub. İntihar faktlarının 3-ü asılma, biri yandırma faktıdır.
Mərkəz rəisinin sözlərinə görə, rayonda intiharların əsas səbəbi kimi isə sosial-iqtisadi problemlər, ailə münaqişələri, narkomaniya, işsizlik, güclü əsəb sarsıntılarını qeyd etmək olar.
Məqalə müəllifi ilə əlaqə ünvanı: [email protected]
