Azərbaycan, Lənkəran,19 iyul / Trend , müxbir P.Əliyeva/ Ələt-Astara yolunun 165-ci kilometrliyində ölümlə nəticələnən yol qəzası baş verib.
Trend -un məlumatına görə, şənbə günü səhər saat 9.00 radələrində Masallının Musaküçə kənd sakini 42 yaşlı Faiq Ağayevin idarə etdiyi VAZ 2101 markalı avtomobil həmin kənddən olan Akif Rəhimovun idarə etdiyi VAZ 2107 markalı avtomobillə toqquşub.
Nəticədə birinci avtomobildəki sərnişin Mərcan Ağayeva hadisə yerində keçinib.
Qəzaya avtomobillərin ötmə əməliyyatını pozmaları səbəb olub.
Faktla bağlı Cinayət Məcəlləsinin yol hərəkəti və nəqliyyat vasitələrinin istismarı qaydalarını pozma ehtiyatsızlıqdan zərərçəkmişin ölümünə səbəb olduqda (263.2) maddəsi ilə cinayət işi açılıb.
Müəlliflə əlaqə saxlamaq üçün elektron ünvan - [email protected]